დოქტორ პარნასის წარმოსახვა

ლამაზი და ბნელით მოცული ზღაპარი ამ ჟანრის ერთ-ერთი დიდოსტატისგან — უბრწყინვალესი და ჩვენთვის ღრმად საყვარელი ტერი გილიამისგან.

მოგზაურობისას თავის დასთან ერთად, დოქტორი პარნასი მაყურებლებს უნიკალურ შესაძლებლობას აძლევს — მათ შეუძლიათ გაიარონ ჯადოსნური სარკის მიღმა და შთამბეჭდავ ფანტასტიკურ სამყაროში აღმოჩნდნენ. თუმცა, პარნასის მაგიური ნიჭი თავის ფასს მოითხოვს: საუკუნეების განმავლობაში, იგი საბედისწერო თამაშს თამაშობდა თვით ეშმაკთან, რომელმაც ახლა მისი მთავარი ჯილდოს — პარნასის ქალიშვილის, ვალენტინას წასაყვანად მოახლოებული დრო შეახსენა.

გილიამი ფილმის სიუჟეტს ასე აღწერდა: „სასაცილო და იუმორისტული ისტორია იმის შესახებ, რა შედეგები მოაქვს ჩვენს პირად არჩევანს ცხოვრებაში.“ არაერთხელ აღუნიშნავს, რომ პარნასის პერსონაჟში დიდი დოზით ავტობიოგრაფიული ელემენტებია და მისი ისტორია ასახავს ასაკოვან ადამიანს ძლიერი წარმოსახვით, რომელსაც სამყარო აღარ უსმენს.

ეს ფილმი ჰიტ ლეჯერისთვის უკანასკნელი აღმოჩნდა. მსახიობის ტრაგიკული გარდაცვალება გადაღებებისას პროექტის დახურვის საფრთხეს ქმნიდა, მაგრამ ტერი გილიამმა მოახერხა სიუჟეტის ისე გარდაქმნა, რომ ლეჯერის მიერ შესრულებული სცენები არ დაკარგულიყო. მისი როლის დასასრულებლად მიწვეულნი იყვნენ ჯონი დეპი, კოლინ ფარელი და ჯუდი ლოუ — სამივე მათგანი მისი გმირის სხვადასხვა სახეს ასახიერებს.