დაკარგული გზა

ეს ძალიან უცნაური ისტორიაა ჯაზის მუსიკოსზე, რომელიც კლავს (ან არ კლავს?) თავის ცოლს და შემდეგ მისტიკური გზით ქრება ციხიდან.
სიუჟეტის გადმოცემა ფაქტობრივად შეუძლებელია.
საუკეთესო, რაც შეგიძლიათ გააკეთოთ ფილმის ყურებისას — არის ის, რომ ატმოსფეროს სრულად მისცეთ თავი და აჰყვეთ თქვენს ასოციაციებს.
ეს არის მთელი ლინჩი — მაყურებელს სერიოზულად მოუწევს ტვინის დაძაბვა, რომ როგორმე გამოძერწოს თავისი ვერსია.

ლინჩის ეს ახალი ნამუშევარი კრიტიკოსებმა სხვადასხვაგვარად მიიღეს: ერთმა ნაწილმა იფიქრა, რომ რეჟისორის კარიერა დაეცა,
სხვები (მათ შორის ფილოსოფოსი სლავოი ჟიჟეკი) კი აღფრთოვანებულნი დარჩნენ.

ფილმში ჟღერს ლუ რიდის, დევიდ ბოუის, Rammstein-ის და მერლინ მენსონის მუსიკა.
ხმის დიზაინზე მუშაობდა ტრენტ რეზნორი (Nine Inch Nails).
ფილმის სიუჟეტის მიხედვით კომპოზიტორმა ოლგა ნოივირტმა და ნობელის ლაურეატმა მწერალმა ელფრიდე იელინეკმა დაწერეს ოპერა.