«Involutions» — ალექსანდრა პავლოვსკაია-ლოკშაინი

გამოფენა დაყოფილია სამ სივრცედ. პირველი ორი სივრცე კონცენტრირდება გრაფიკასა და გრავირებაზე. ნამუშევრებს მაყურებელი ტრანსცენდენტურ ველში გაჰყავს. შავ-თეთრი, ფიგურული და აბსტრაქტული ფორმები მუდმივ სიზმარში ყოფნის შთაბეჭდილებას იძლევა. ერთი შეხედვით, ნამუშევრების შინაარსი თავიდან დაფარულია, რთულია მისი აღქმა, თითქოს სამოს მიღმა იმალებიან. ალბათ, არ უნდა ვუცქიროთ, არამედ მოვუსმინოთ ჩურჩულს. მესამე სივრცე შედგება ეკრანზე სახვით ტრაფარეტული ბეჭვდით შესრულებული ნამუშევრებით, რომლებშიც დედებისა და შვილების გაუჩინარებადი სილუეტებია გამოსახული. ინსტალაცია შთაგონებულია ღვთისმშობლის მართმადიდებლური ხატებითა და “დამალული დედის ფოტოგრაფიის” ფენომენით. ღვთაებრივის ყველგანმყოფობა და ფატალურობა, მივიწყებული სულების უხილავი სახეები და ადგილები, რომლებიც აღარ არსებობს თან სდევს მაყურებელს უპასუხო კითხვებით. ეს გამოფენა არის მეტაფორული ვოიაჟი არტისტის შინაგან სამყაროში. ლუი-ფერდინანდ სელინი: ,,მოგზაურობა სასარგებლოა, ის ავარჯიშებს ფანტაზიას. დანარჩენი ყველაფერი არის იმედგაცრუება და დაქანცულობა. ჩვენი მოგაზურობა სრულად წარმოსახვითია და სწორედ ესაა მისი ძალა”.