George Mel სოლო კონცერტი

25 წლის განმავლობაში გიორგი მელიქიშვილი (მსოფლიოში ცნობილი პსეუდონიმით George Mel ) აკომპანირებდა მსოფლიოს საუკეთესო სიმღერების ავტორებს სხვადასხვა სტილსა და კულტურაში — მათ შორის არიან Esperanza Spalding, KJ Denhert, Raul Midon, Javier Ruibal, David Wilcox და John Hall (და ეს მხოლოდ რამდენიმე მათგანია). როგორც New York City Jazz Record მას უწოდებს — „ნიუ-იორკის ჯაზისა და მსოფლიო მუსიკის სცენის ვეტერანი“, დრამერი/პერკუსიონისტი/კომპოზიტორი/ავტორ-შემსრულებელი George Mel ახალ პროექტში ( G.I.A. Project) ჩვეული ამპლუიდან წინა პლანზე გამოდის და გვთავაზობს სრულიად განსხვავებულ გამოსვლას: ჟანრობრივად მრავალფეროვან სოლო-კონცერტს, როგორც მომღერალი და სიმღერების ავტორი (გიტარით, კახონითა და ვოკალით; ზოგჯერ რითმ სექციასთან, ბექ-ვოკალისტთან, ან მოწვეული სოლისტებთან ერთად).

მისი პროგრამა მოიცავს როგორც მის საავტორო სიმღერებს, ასევე შერჩეული შედევრების ინტერპრეტაციებს მუსიკის დიდოსტატებისგან — თანამედროვე თუ კლასიკური ეპოქებიდან, მსოფლიოს სხვადასხვა კუთხიდან. George Mel მღერის 5 ენაზე , გიტარის 5 განხვავებულ წყობებში, და ქმნის მუსიკას, რომელიც მართლაც რომ გლობალური შთაგონების მქონე არტისტს (Globally Inspired Artist = G.I.A.) შეეფერება.