XOSILITA — ფილმის ჩვენება, არტისტ თოქი და ვორქშოპი

XOSILITA არის მულტიმედია არტისტი, პერფორმერი, ქორეოგრაფი და მოცეკვავე თბილისიდან. მისი შემოქმედება ფოკუსირებულია სხეულისა და მოძრაობის კვლევაზე, როგორც ერთ-ერთ ყველაზე თავისუფალ და ქვეცნობიერთან დაკავშირებულ გამოხატვის ფორმაზე.

ფილმის ჩვენებისა და არტისტ თოქის ფარგლებში წარმოდგენილი იქნება ორი მოკლემეტრაჟიანი ცეკვის ფილმი: 

„მან იცის“ (2019, 4:16) — სიურეალისტური ვიზუალიზაცია ადამიანის შინაგანი დისბალანსისა და მისი ამბივალენტური ბუნების შესახებ. ნამუშევარი ასახავს გონებისა და სხეულის დაპირისპირებას და კრიზისის ტრანსფორმაციას გადარჩენის ინსტინქტად. 

„დღის ზმანება“ (2021, 2:53) — ნამუშევარი ეხება რეალობიდან გამოთიშვისა და წარმოსახვით სივრცეში გადასვლის პროცესს, როგორც ფსიქოლოგიურ თავდაცვით მექანიზმს. წარმოდგენილია, როგორც თანამედროვე მედიტაციისა და რიტუალის ფორმა. 

ვორქშოპი “Imagine, Feel & Move” წარმოადგენს გიდირებული მოძრაობის პრაქტიკას, რომელიც ღიაა ყველა მსურველისთვის (+16). მონაწილეები იმუშავებენ მოძრაობის და გონების ლიმიტებთან, ღმა შეგრძნებების გამოღვიძებაზე, ტრანსფორმაციაზე და დამიწების ფორმებზე. 

ვორქშოპი მოიცავს ინტერაქციულ სავარჯიშოებსა და მცირე თამაშებს, რაც ხელს უწყობს მონაწილეებს შორის კავშირს, წარმოსახვის გაფართოებას და სხეულის ცნობიერების გაღრმავებას. 

მონაწილეობისათვის წინასწარი გამოცდილება საჭირო არ არის.

22 მაისი, 21:00 — ფილმის ჩვენება და არტისტ თოქი

23 მაისი, 17:00 — გიდირებული მოძრაობის ვორქშოპი “Imagine, Feel & Move” (60 წთ) ფასები:

* ფილმის ჩვენება და არტისტ თოქი — 20 ლარი

* ვორქშოპი — 35 ლარი