,,ეს არის ამბავი პატარა ქეთოზე, რომელსაც ლეკები, გაიტაცებენ და დაღესტანში ერთ უშვილო ოჯახს მიჰყიდიან. ქეთოს, მალევე ავიწყდება წარსული და ქართველი ბავშვი ლეკ გოგონად გადაიქცევა. ქეთოს მამა წლების შემდეგ პოულობს შვილს და სამშობლოში - „შინ“ აბრუნებს. მრავალი მცდელობის მიუხედავად, ქალი მშობლებს ვერ იხსენებს. უიმედობაში ჩავარდნილი დედა შვილს იავნანას უმღერებს, ისე, როგორც ადრე, წლების წინ... ქეთოში მიძინებული წარსული ცოცხლდება და ის ყველაფერს იხსენებს.''
2016 წლის 14 იანვრიდან ბათუმის თოჯინებისა და მოზარდთა თეატრის შემოქმედებითი პროცესი განახლებულ შენობაში გრძელდება. ისტორიულ შენობას თავისი ერთსართულიანი და საზაფხულო ფართით კულტურული მემკვიდრეობის ძეგლის სტატუსი მიენიჭა.