ვიწყებთ ღვინის მოგზაურობას იმერეთში

ამჯერად მივემგზავრებით გიორგი ვირსალაძესთან — ახალგაზრდა მეღვინესთან, რომელმაც სულ რამდენიმე წელიწადში მნიშვნელოვანი ადგილი დაიკავა ქართული ღვინის სამყაროში. სულ ახლახან მას „ამომავალ ვარსკვლავად“ მივიჩნევდით, დღეს კი მისი ღვინოები ფესტივალებზე ჩნდება, ჩინეთში გადის ექსპორტზე და თანდათან იპყრობს ადგილობრივ ბაზარს.

განსაკუთრებით შეგვიყვარდა მისი ციცკა 2023 — ჩვენს წრეში ეს ღვინო სახალისო ზედმეტსახელით „ფეხები“ არის ცნობილი, უჩვეულო ეტიკეტის გამო.

და რაც მთავარია — ამ დღეს ჩვენთან ერთად იქნება რამაზ ნიკოლაძე, საქართველოს ბუნებრივი ღვინის ასოციაციის დამფუძნებელი. ღვინის წრეებში მას ხშირად ახალგაზრდა მეღვინეების ნათლიას უწოდებენ და ის იქნება ჩვენი მეგზური გიორგისთან საუბარში.