ვალერიან შიუკაშვილი წარმოგიდგენთ...

3 მარტს, თბილისის სახელმწიფო კონსერვატორიის დიდ დარბაზში გაიმართება პიანისტ ვალერიან შიუკაშილის ახალი პროექტის - „ვალერიან შიუკაშვილი - თაობა“ს პირველი კონცერტი. ღონისძიება შედგება ორი განყოფილებისგან. პირველ განყოფილებაში, საქართველოს რეგიონებიდან, 12 გამორჩეული და სხვადასხვა მუსიკალურ კონკურსში გამარჯვებული ახალგაზრდა პიანისტი, კომპოზიტორ პეტრე ჩაიკოვსკის „წელიწადის დრონი“ (OP.37a) შეასრულებს. მეორე განყოფილებაში კი ქართველი ვირტუოზი პიანისტი, ვალერიან შიუკაშვილი კომპოზიტორ მოდესტ მუსორგსკის „სურათები გამოფენიდან“ შეასრულებს. 

პროექტის მომდევნო ღონისძიებებში მონაწილეობას სხვა წარმატებული ახალგაზრდები მიიღებენ. პროგრამაც, ყველა ჯერზე იქნება განსხვავებული. 

ღონისძიება მიზნად ისახავს ქართველი ახალგაზრდა მუსიკოსების დიდ სცენასთან ადაპტირებას და მრავალრიცხოვანი მაყურებლის წინაშე შესრულების გამოცდილებას. ვალერიან შიუკაშვილი, წლების განმავლობაში, აქტიურად მონაწილეობს ქვეყნის მუსიკალურ ცხოვრებაში — როგორც სოლისტი, ისე არაერთი მუსიკალური ფესტივალისა და კონკურსის დამფუძნებელი. მისი წვლილი ახალგაზრდა თაობის მუსიკოსების აღმოჩენაში და მათი, როგორც მომავალი არტისტების ჩამოყალიბებაში უდიდესია. ეს პროექტიც მხოლოდ მათ განვითარებას და წარმატებული მუსიკალური გზის ჩამოყალიბებას შეუწყობს ხელს. 

პროგრამა:

I ნაწილი:

პეტრე ჩაიკოვსკი - „წელიწადის დრონი“

შემსრულებელი - (12 ახალგაზრდა პიანისტი)
 

II ნაწილი: 

მოდესტ მუსორგსკი - „სურათები გამოფენიდან“

შემსრულებელი - ვალერიან შიუკაშვილი

ღონისძიების ხელშემწყობებია თბილისის მერია.

შესვლა ნებადართულია 10 წლის ასაკიდან.