უცნობი ქართული საჭმელ-სასმლის გაცნობის საღამო

დღევანდელი ექსპედიციებიდან ვიგებთ რა მოსავალი მოჰყავს მოსახლეობას, ჰყავთ თუ არა შინაური ცხოველები თუ ფრინველები, ამზადებენ თუ არა წიგნში აღწერილ კერძებს, იყენებენ თუ არა ტრადიციულ ინსტრუმენტებს და სხვა. მცირე ზომის ექსპედიციების მიზანია ვიდეო, აუდიო თუ ფოტო მასალის შეგროვება. სასურველია ძველი, ტრადიციული სამზარეულოს ინვენტარის მოძიება და შენახვა, შემდეგ ამ მასალის საფუძველზე „ქართული სამზარეულო კულტურის მუზეუმი“-ის, ვიდეო-ბლოგისა და 13-14 სერიიანი ვიდეო-ციკლის შექმნა და ასევე, წიგნის - „ქართული კულინარიული ხელოვნების საუკუნოვანი გზა - შედარებითი ანალიზი 1935-2024” - გამოსაცემად მომზადება. 18 იანვარს „მასპინძელო ექსპრესში“ შეძლებთ იმ უძველესი კერძების გაცნობას, რომლებიც ივანე ჯავახიშვილის წიგნშია აღწერილი, ასევე შეძლებთ ისტორიების მოსმენას თუ როგორ მიაკვლია გუნდმა ამა თუ იმ ოჯახს, შეიტყო მათი ისტორია, გაეცნო მათ დღევანდელობას და სხვა. ფასი მოიცავს ადგილს მაგიდასთან და შემდეგ კერძებს: გვიმრის ფხალი ნარჩვის ყველის სოუსით (სვანეთი) მეგრული კვერები ქლიავის ჩირით (სამეგრელო) საქონლის ხორცის ბურთები შიბუთი ლუდის სოუსში (თუშეთი) აჭარული ჰალვა, აღმოსავლური ყავა (აჭარა) 11 წლამდე ბავშვები დაიშვებიან ბილეთის გარეშე. დასაწყისი: 20:00 https://www.facebook.com/maspindzeloexpress https://www.facebook.com/javakhishvilisgza1 https://www.facebook.com/MgroupManagement