ტვინ პიკსი: მომყევი, ცეცხლო

სიქველი და ამავე დროს პრიქველი ლეგენდარული სატელევიზიო სერიალისა. ფილმი იწყება იმით, რომ თეთრ-თეთრ ეკრანზე ცული ეცემა: ასე დავით ლინჩი მიგვანიშნებს, რომ ვუყურებთ არა სატელევიზიო შოუს, არამედ დიდ კინემატოგრაფს. და მართლაც, რეჟისორი ქმნის ნამდვილ კინოს — თავისი ფავორიტის, ცოდვილი, იდუმალი და გაუგებარი ქერა ლაურა პალმერის შესახებ, რომელიც ფილმში ხორცს, სისხლსა და სულს იძენს. ის გარდაიქმნება პლასტიკაში გახვეული გვამიდან ცოცხალ და მოუსვენარ პიროვნებად. თავდაპირველად ვხედავთ მის დრამას, შემდეგ კი ტრაგედიას — ლაურას ბოლო 7 დღეს მასთან ერთად გავდივართ, წინასწარ ვიცით, რომ ის განწირულია.

„ცეცხლის გავლით“ გახდა მესამე სეზონის ნულოვანი სერია. და თავად მესამე სეზონის ყურებას ვიწყებთ ამ შაბათს, როგორც ყოველთვის, ღამის ჩვენებაზე.