პიროვნება და ეპოქა - ცვლილებების ფილოსოფია

💡 18 სექტემბერს აზროვნების აკადემიაში გაიმართება სალონური საუბრები სოციალურ მეცნიერებათა დოქტორ ქეთევან მუხიგულთან თემაზე: „პიროვნება და ეპოქა - ცვლილებების ფილოსოფია"

ყოველი ეპოქა ადამიანს ახალ კითხვებს, ღირებულებებსა და გამოწვევებს სთავაზობს. ლექციაზე მიმოვიხილავთ, როგორ აყალიბებს საზოგადოება პიროვნებას და, ამავე დროს, როგორ შეუძლია პიროვნებას შეცვალოს საკუთარი ეპოქა. ისტორიული, ფილოსოფიური და კულტურული მაგალითების მეშვეობით განვიხილავთ ცვლილებების ბუნებას, ინდივიდისა და საზოგადოების ურთიერთქმედებას და იმ ძალებს, რომლებიც ადამიანურ იდენტობას დროთა განმავლობაში გარდაქმნის.

ლექციის ფუნდამენტური მიზანია ცვლილებების გააზრება არა როგორც მხოლოდ ისტორიული პროცესისა, არამედ როგორც პიროვნული განვითარების ფილოსოფიის. ვისაუბრებთ იმაზე, როგორ ყალიბდება ადამიანის მსოფლმხედველობა კულტურის, ტრადიციის, ტექნოლოგიებისა და სოციალური გარემოს გავლენით, და როგორ იქცევა კრიტიკული აზროვნება ეპოქასთან დიალოგის მთავარ ინსტრუმენტად.

ლექციის ფარგლებში შევეხებით პიროვნებისა და ეპოქის ურთიერთობის სხვადასხვა მოდელს, კულტურული პარადიგმების ცვლილებას, თანამედროვე საზოგადოების გავლენას იდენტობაზე და იმ გზებს, რომლებიც ადამიანს საკუთარი თავისა და საზოგადოების უკეთ გააზრებაში ეხმარება.

🍰 შეხვედრაზე დაგხვდებათ ფურშეტი და სასიამოვნო გარემო

შეხვედრის ხანგრძლივობა – 2-3 საათი