ილუზიონისტი

Sylvain Chomet-მა ორი სრულმეტრაჟიანი ანიმაციური შედევრი შექმნა — The Triplets of Belleville და The Illusionist. თუ პირველი ჯერ კიდევ არ გაქვთ ნანახი — ნამდვილად დროა ეს დანაკლისი შეავსოთ.

The Illusionist-ის საფუძვლად დაედო ფრანგი მიმის, მსახიობისა და რეჟისორის, რუსული წარმოშობის Jacques Tati-ს არარეალიზებული სცენარი, რომელიც მისი უკვე გარდაცვლილი უფროსი ქალიშვილისადმი მიწერილი პირადი წერილის ფორმით იყო შექმნილი. ეს სცენარი შომეს ტატის უმცროსმა ქალიშვილმა, Sophie Tatischeff-მა გადასცა. სწორედ მან შესთავაზა ამ ისტორიის ანიმაციურ ფილმად ქცევა, რადგან არ სურდა, რომ მამა ეკრანზე სხვა მსახიობს განესახიერებინა.

მთავარი გმირი თავად ტატის ანიმაციური სახეა, რომლის ვიზუალურ სახეზე პირადად შომე მუშაობდა. სიუჟეტი მოგვითხრობს ილუზიონისტი ფოკუსნიკის თავგადასავალზე, რომელიც დახურულ საზოგადოებაში აღმოჩნდება და ხვდება გოგონას, რომელსაც გულწრფელად სჯერა, რომ ის ნამდვილი ჯადოქარია.