თბილისი ჰილს სამთო გარბენი

მარშრუტი Tbilisi Hills-ის მთავარ მოედანზე იღებს სტარტს და მიუყვება თელეთის ქედს, 3 კილომეტრის შემდეგ ლამაზი სერპანტინი ეშვება კრწანისში. მორბენლები მალევე ჩამოიტოვებენ ძველი უბნის ქუჩებს და კრწანისის ხევში ჩავლენ. მდინარესთან, 10კმ ნიშნულზე განლაგებულია პირველი საკონტროლო პუნქტი გამაგრილებელი სასმელებით და წყლით. ამის შემდეგ, მათ ელით ციცაბო აღმართი თელეთის ქედზე და მეორე საკონტროლო პუნქტი 13კმ ნიშნულზე, წყლით, სასმელებით და საკვებით. დისტანციის ბოლო ნაწილი გადის თელეთის ქედზე შავნაბადას მონასტრის მიმდებარედ. გარბენის ბილიკის სხვადასხვა მონაკვეთიდან იშლება თბილისის, კოჯრის ტყის, კუმისის ტბის და ჩავნაბადას მონასტერის ულამაზესი ხედები. კარგი ამინდის შემთხვევაში მყინვარწვერსაც დავინახავთ საინტერესო პერსპექტივით. Ბილიკი ჩაფლულია ლამაზ ტყეში/ბუჩქებში და გამოირჩევა ლამაზად მოყვავილე ეკლიანი კაქტუსების სიმრავლით. დიახ, კაქტუსების, რომელთა მტკივნეული ეკლებისთვის ფეხის აცილება დამატებითი სახალისო გამოწვევაა სირბილის დროს. გარბენი გამოირჩევა საინტერესო რელიეფითაც. მთლიანი მარშუტის ვერტიკალური მანძილის (vertical gain) 750 მეტრის უდიდესი ნაწილი TRAILLAB-ის სხვა გარბენებისაგან განსხვავებით კონცენტრირებულია დისტანციის არა პირველ, არამედ მეორე ნახევარში. ფინიშისთვის განკუთვნილი დროის ლიმიტებია: ● 9კმ: 03:00 საათი ● 14კმ: 03:00 საათი ● 18კმ: 03:30 საათი დამატებითი განახლებული ინფორმაცია და გარბენის წესები გარბენის ვებ გვერდზეა: traillab.ge/hills გარბენის დასაწყისი: 03.11.2024 10:00 რეგისტრაცია: 09:00 - 09:45 ასაკობრივი შეზღუდვა 18+ ორგანიზატორი: https://www.facebook.com/TrailLabRace