სტუდენტური სამეცნიერო კონფერენცია

„საქართველოს ახალგაზრდა დიპლომატთა კლუბი“, თბილისის სახელმწიფო უნივერსიტეტის საერთაშორისო სისხლის სამართლის სასწავლო და კვლევით ცენტრისა და აკადემიკოს ლევან ალექსიძის ფონდთან თანამშრომლობით, მართავს სამეცნიერო კონფერენციას თემაზე: „საერთაშორისო სამართალი 21-ე საუკუნეში: საერთაშორისო წესრიგი და თანამედროვე გამოწვევები“

 კონფერენცია ჩატარდება 4 ივლისს.

 კონფერენციის მიმართულებებია:

 საერთაშორისო ორგანიზაციების როლი საერთაშორისო პოლიტიკური დღის წესრიგის ფორმირებაში;

 საერთაშორისო სამართლის როლი გლობალური და რეგიონული კრიზისების მართვაში.

 თეზისების გაფორმების წესი:

 ფონტი: Sylfaen
 ზომა: 12
 ინტერვალი: 1,5
 მოცულობა: მაქსიმუმ 250 სიტყვა
 აბსტრაქტი წარმოდგენილი უნდა იყოს Word-ის ფაილის ფორმატში

 აბსტრაქტები აუცილებლად უნდა მოიცავდეს კვლევის მეთოდოლოგიას.

 აუცილებელია სტუდენტის ხელმძღვანელის წერილობითი დასკვნა, რომ თეზისები აკმაყოფილებს კონფერენციის სამეცნიერო და ტექნიკურ მოთხოვნებს და შესაძლებელია წარმოდგენილი იყოს კონფერენციაზე. მეცნიერ-ხელმძღვანელი შეიძლება იყოს აკრედიტირებული უმაღლესი სასწავლებლის აკადემიური პერსონალი, დოქტორი ან მასთან გათანაბრებული სამეცნიერო ხარისხის მქონე პირი და დოქტორანტი.

 თავფურცელზე მიუთითეთ:

 ნაშრომის სათაური;
 მომხსენებლის (მომხსენებლების) სახელი, გვარი, უნივერსიტეტის დასახელება, ფაკულტეტი, სასწავლო სემესტრი, ელექტრონული ფოსტა;
 მეცნიერ-ხელმძღვანელის სახელი, გვარი, სტატუსი.

 განაცხადის წარდგენა შესაძლებელია როგორც ინდივიდუალურად, ისე წყვილებში. მონაწილეობის მიღება შეუძლიათ ნებისმიერი უნივერსიტეტის სტუდენტებს.

 მონაწილეობის მიღების მსურველებმა მოხსენების თემა და აბსტრაქტი უნდა გამოგზავნონ ელექტრონულ მისამართზე: youngdiplomats.info@gmail.com

 აბსტრაქტების გამოგზავნის ბოლო ვადაა 29 ივნისი, 23:59 საათი.

 გაითვალისწინეთ, რომ აბსტრაქტების რაოდენობა შეზღუდულია. წარმოდგენილი ნაშრომებიდან შეირჩევა ტექნიკურად და შინაარსობრივად გამართული აბსტრაქტები მიღების თანმიმდევრობის პრინციპის გათვალისწინებით.

 აბსტრაქტის საფუძველზე არჩეული კანდიდატები დეტალურ ინფორმაციას მიიღებენ ელექტრონული ფოსტის საშუალებით.

 დასწრება თავისუფალია.