დაცემის ხმა

მე-20 საუკუნის ისტორია, გადმოცემული ოთხი მოზარდი გოგონას შინაგანი მონოლოგების მეშვეობით — ფილმი, რომელსაც ადარებენ ანდრეი ტარკოვსკი-ს, ფედერიკო ფელინი-ს და ინგმარ ბერგმანი-ს.

ერთსა და იმავე ძველ ფერმაში, ალტმარკში, სხვადასხვა ეპოქაში — პირველი მსოფლიო ომიდან დღემდე — ცხოვრობენ ალმა, ერიკა, ანგელიკა და ლენკა. ოთხი გმირი ერთმანეთს ვერასდროს შეხვდება, თუმცა თითოეული მათგანი გადაიტანს პირველ სექსუალურ გამოცდილებას, ახლობელი ადამიანის მოულოდნელ გარდაცვალებას, მწვავე მარტოობასა და მომავლის შიშს.

ჩვენ წინაშეა XX საუკუნის გერმანიის ისტორიის განსხვავებული ვერსია, ნაჩვენები მოზარდი გოგონების თვალით (შესაძლოა, ეს მთელი ევროპის — ან სულაც მთელი პლანეტის — ისტორიაც იყოს). მდუმარე მოწმეები, ისინი ტრაგედიებს განიცდიან უხილავად უფროსებისა და კაცებისათვის — სამყაროში, რომელიც ომებით, კონფლიქტებით, ძალადობითა და ტკივილით არის სავსე.

თუმცა მხოლოდ მათი მზერა გვაძლევს იმედს სხვა ეთიკის არსებობაზე — იმგვარისა, რომელიც ეწინააღმდეგება იმ წესებს, რომლებიც სამყარომ უკვე მიიღო.

— ანტონ დოლინი