შექსპირი სიყვარულში

მარტივი, თუმცა ერთდროულად მომხიბვლელი და ფერადი ფილმი სიყვარულზე და ძველ ინგლისზე. 1594 წელი. ახალგაზრდა დრამატურგი უილიამ შექსპირი შემოქმედებით კრიზისშია: მუზამ მიატოვა, ფული აღარ აქვს, თეატრის მეპატრონე კი ავტორისგან უმოკლეს ვადაში ახალ პიესას ითხოვს. და სწორედ მაშინ, როცა თითქოს მწერალს აღარ რჩება არანაირი იმედი ახალი შთაგონების პოვნისა, მის ცხოვრებაში ჩნდება არისტოკრატი ქალი — ვიოლა. ახალგაზრდა მსახიობის სახით გადაცმული გოგონა თეატრის დასში ეწერება, რათა სპექტაკლში „რომეო და ჯულიეტა“ მთავარი მამაკაცის როლი შეასრულოს.

ფილმს მიღებული აქვს შვიდი „ოსკარი“, მათ შორის ნომინაციაში „საუკეთესო ფილმი“. იმ წელს გამარჯვებას სტივენ სპილბერგის ფილმს „რიგითი რაიანის გადარჩენა“ უწინასწარმეტყველებდნენ, თუმცა სიყვარულზე გადაღებულმა ფილმმა ომის თემატიკის ფილმს სძლია.