თვითწერის სტუდია

შაბათს გიწვევთ შემოქმედებით ღონისძიებაზე. ორგანიზატორები ეყრდნობიან ფრანგული წერითი ატელიეების, ამერიკული poetry therapy-ისა და შემოქმედებითი თვითგამოხატვის სხვა საერთაშორისო პრაქტიკებს.

გელოდებათ წამყვანის დავალებები, განსაზღვრული დრო მათი შესრულებისთვის, შესაძლებლობა სიტყვით გამოხატოთ საკუთარი აზრები და განცდები, მოისმინოთ საკუთარი თავი და სხვები, და ერთად დააკვირდეთ ამ ალქიმიის შედეგს — სუფთა ფურცელთან სპონტანური შეხებისა და მოკლე დროში საკუთარი ავტორული ტექსტის დაბადებას.

ეს არ არის მწერლის სახელოსნო და არც ლიტერატურული გაერთიანება, თუმცა პერიოდულად მივმართავთ პოეტების, მწერლების, ფილოსოფოსებისა და დრამატურგების ტექსტებს — თავადაც დავწერთ და განვიხილავთ ნამუშევრებს. სრულყოფილი ლიტერატურული ნაწარმოების შექმნა მიზანი არ არის.

მონაწილეობა შეუძლია ნებისმიერ მსურველს — წერის გამოცდილება საჭირო არ არის.

მნიშვნელოვანია იცოდეთ, რომ ეს არ არის თერაპიული ჯგუფი წერითი პრაქტიკების გამოყენებით, თუმცა, როგორც ნებისმიერი შემოქმედებითი პროცესი, შეიძლება ჰქონდეს თერაპიული ეფექტი.

მობრძანდით — შესაძლოა, „თვითწერის სტუდია“ სწორედ ახლა გჭირდებათ.

შეხვედრას გაუძღვება ფსიქოთერაპევტი. შეხვედრის მოდელი თითოეულ მონაწილეს აძლევს შესაძლებლობას გახდეს თანაწამყვანი და გაავრცელოს „თვითწერის სტუდიის“ იდეა სხვადასხვა ფორმატში.