SACRED BATH by ALICE MOTTA

მოძრაობის თეატრი მოხარულია უმასპინძლოს ნიჭიერ ბრაზილიელ არტისტს, ელის მოტას, 27 სექტემბერს, სპექტაკლით „SACRED BATH“.

ელის მოტა არის მულტიდისციპლინური შემოქმედი, რომელიც იყენებს ავტობიოგრაფიას როგორც თავისი შემოქმედებითი ძიების საწყის წერტილს. მისი ნამუშევრები წარმოდგენილია საერთაშორისო მასშტაბით. 

„Sacred Bath“ — ფიზიკური თეატრის სოლო ნამუშევარი, რომელიც ეხება სხეულის ავტონომიისა და უსაფრთხოების დაკარგვას, იკვლევს სხეულის მფლობელობასა და სულიერებას თვითშემეცნების მოგზაურობაში. ამ ფიზიკური თეატრის პიესაში, რომელიც შექმნილია ბრაზილიელი არტისტისა და პოეტის, ელის მოტას მიერ, მთავარი აქცენტი კეთდება აუტობიოგრაფიულ ისტორიებზე, საზოგადოებრივ ნორმებთან დაპირისპირებაზე და იწვევს მაყურებელს გადახედოს საკუთარი სხეულის მფლობელობისა და უსაფრთხოების აღქმას. 

პოეზიის, მოძრაობის და იუმორის ქსოვილში მოქცეული ეს ორენოვანი ნამუშევარი (პორტუგალიური და ინგლისური) წვდება სხეულის ობიექტივაციის თემას საზოგადოების სხვადასხვა წრის მხრიდან. სპექტაკლი იკვლევს სექსუალობის რთულ ბუნებას, რომელიც ფორმირდება კულტურისა და რელიგიის გავლენით, და მაყურებელს სთავაზობს თვითშემეცნების უნიკალურ გამოცდილებას.

პირველი ჩვენების შემდეგ ლისაბონში, სპექტაკლი წარმოდგენილი იყო ლონდონსა და ბრაიტონში — სადაც იგი მოხვდა South East Dance Awards-ის „ყველაზე საოცარი მოძრაობითი წარმოდგენის“ მოკლე სიაში.