რაშმორის აკადემია

მაქს ფიშერი პრესტიჟული რაშმორის აკადემიის მეათე კლასში სწავლობს. მისი მიღწევების ჩამონათვალი მართლაც შთამბეჭდავია: ის სკოლის გაზეთის რედაქტორია, სხვადასხვა გუნდის კაპიტანი, უამრავი სასკოლო კლუბის პრეზიდენტი და, ამ ყველაფერთან ერთად, სრულიად უიმედო მოსწავლე. მაქსს გამოსაცდელ ვადას აძლევენ, თუმცა ამ პერიოდში უკეთესს ვერაფერს მოიფიქრებს, ვიდრე ახალგაზრდა მასწავლებლის შეყვარება.

ეს უეს ანდერსონის მეორე ფილმია, რომელმაც კარგი დასაწყისი მისცა როგორც თავად რეჟისორის, ისე მთავარი როლის შემსრულებლის, ჯეისონ შვარცმანის კარიერას — მისთვის ეს კინოდებიუტი იყო. ამასთან, ფილმმა მოულოდნელად ახალი სიცოცხლე შესძინა ბილ მიურეის კარიერასაც — „მოჩვენებებზე მონადირეების“ ვარსკვლავს, რომელიც იმ დროისთვის ბევრს უკვე დავიწყებული ჰყავდა. მას შემდეგ მიურეიმ ჰოლივუდურ მეინსტრიმს ზურგი აქცია და ძირითადად დამოუკიდებელ კინოში დაიწყო მუშაობა.