ვკითხულობთ ფროიდს გიორგი მაისურაძესთან ერთად

ფროიდის გავლენა XX და XXI საუკუნეების კულტურაზე იმდენად ფუნდამენტურია, რომ გადამეტების გარეშე შეიძლება ითქვას - არსებობს სამყარო ფროიდამდე და ფროიდის შემდეგ. 
 

ვინ იყო ზიგმუნდ ფროიდი და რატომ არ კარგავს აქტუალურობას ერთი საუკუნის წინ შექმნილი მისი მოძღვრება?

ამ კითხვაზე პასუხი არა იმდენად მისი ცალკეული მოსაზრებების უცდომელობაშია საძიებელი, რამდენადაც თავად ფროიდის მიერ შექმნილი ფსიქოანალიზის, როგორც ადამიანის და მისი ხელქმნილი სამყაროს აღქმის და გაგების ახლებურ პერსპექტივაში. არაცნობიერი ფსიქიკის აღმოჩენამ რადიკალურად შეცვალა თავად ადამიანის ხატი - ის მრავალგანზომილებიან არსებად წარმოაჩინა, რომელიც არა მხოლოდ ცნობიერად აზროვნებს, არამედი მისი აზრების და ქმედებების უდიდესი ნაწილი „ბნელი ინსტინქტებით“, არაცნობიერი ლტოლვებითაა განპირობებული. შესაბამისად, ყველაფერი, რაც ადამიანის ხელით თუ გონებით იქმნება - პოლიტიკური თუ საზოგადოებრივი ორგანიზაციები, რელიგია, ხელოვნება - მნიშვნელოვანწილად ამ უხილავი და ბურუსით მოცული ვნებების გამოვლინებებია. 
 

ფროიდის თხზულებების კითხვა და მათზე მსჯელობა გვეხმარება როგორც ზოგადად ადამიანის, ჩვენი ცივილიზაციისა და კულტურის, ასევე საკუთარი თავის უკეთესად აღქმასა და გაგებაში. 

ვიკრიბებით კვირაში ერთხელ (ხუთშაბათს)

შეხვედრის დაწყების დრო განისაზღვრება მონაწილეებთან შეთანხმებით.

კურსის ხანგრძლივობა 3 თვე, დასაწყისი - 19.02
კურსი მოიცავს 12 შეხვედრას

ასაკობრივი შეზღუდვა: 15+
საფასური: 990 ლარი