ალმანახის „Typomania in Tbilisi“ პრეზენტაცია

ალმანახის „Typomania in Tbilisi“ პრეზენტაცია

რა შეიძლება მოგვიყვეს ქალაქმა მცენარეების, ფრინველების, სინათლის, სურნელების, გამვლელების, კედლებზე დატანილი წარწერების ან თუნდაც ქუჩის ძაღლების მეშვეობით?

Typomania School-ის საველე სკოლის მონაწილეებმა ხუთი დღე გაატარეს თბილისში, აკვირდებოდნენ, იკვლევდნენ და სხვადასხვა კუთხით აფიქსირებდნენ ქალაქს. ამ დაკვირვებებისა და კვლევების შედეგი გახდა კოლექტიური ალმანახი „Typomania in Tbilisi“.

შეხვედრაზე წარმოდგენილი იქნება გამოცემა, რომელიც მონაწილეებმა სრულად თავად შექმნეს — მოიფიქრეს კონცეფცია, შეაგროვეს მასალები, დააპროექტეს, დაბეჭდეს და აკინძეს. ალმანახი შეიქმნა შემოქმედებითი ლაბორატორიის ფარგლებში, რომელიც 10-15 ივნისს გაიმართა.

გამოცემის თითოეული თავი ქალაქზე განსხვავებულ ხედვას გვთავაზობს და თბილისის ჩვეულებრივ გასეირნებას პატარა კვლევად და აღმოჩენად აქცევს.

Typomania School არის საგანმანათლებლო პროექტი დიზაინერებისთვის, ტიპოგრაფებისთვის და ყველასთვის, ვინც ვიზუალური კულტურით ინტერესდება. სკოლა ცნობილია პრაქტიკულ კურსებით გრაფიკულ დიზაინში, ტიპოგრაფიაში, წიგნის დიზაინსა და შრიფტებთან მუშაობაში. მის ლექტორებს შორის არიან მოქმედი არტ-დირექტორები, დიზაინერები და მსხვილი კულტურული თუ კომერციული პროექტების კურატორები.

თბილისის სკოლის კურატორები იყვნენ ევგენი კორნეევი, ალექსანდრ ვასინი, არინა ლევიცკაია და ნატალია ველჩინსკაია.

გეპატიჟებით ქალაქის ახალი პერსპექტივიდან აღმოჩენისა და დიზაინის, როგორც კვლევის ინსტრუმენტის, გაცნობისთვის.