PERMISSION

ჩვენი ცნობიერების ერთ-ერთი ნაწილი ბავშვობიდანვე მიჩვეულია ნებართვის გარედან ძიებას. ვიზრდებით იმ რწმენით, რომ საკუთარი თავის გამოხატვის, ნაბიჯის გადადგმის ან საკუთარი გრძნობების მიღებისთვის სხვისი თანხმობა გვჭირდება. თუმცა, ზრდასრულ ასაკში დგება მომენტი, როდესაც ყველაზე მნიშვნელოვანი ნებართვა თავად საკუთარ თავს უნდა მივცეთ.

ნებართვა, ვიყოთ ის, ვინც სინამდვილეში ვართ.
ნებართვა, ვიმოძრაოთ.
ნებართვა, ვიგრძნოთ.
ნებართვა, სრულად ვისუნთქოთ.

სწორედ აქედან იწყება საკუთარი ცხოვრების გაცნობიერებული თანაშექმნა, სადაც სულ უფრო ნაკლები ადგილი რჩება ბრალდებისთვის, გამართლებებისა და უსუსურობის განცდისთვის.

ადამიანურ გამოცდილებას განსაკუთრებულს სწორედ ემოციების სრული სპექტრის განცდისა და გამოხატვის უნარი ხდის. საკუთარი თავისთვის ნებისმიერი ემოციური მდგომარეობის სრულად განცდის უფლების მიცემა ერთ-ერთი ყველაზე ღრმა, გამწმენდი და განმათავისუფლებელი გამოცდილებაა. ემოციები ჩვენი მნიშვნელოვანი გზამკვლევები არიან — ისინი ხშირად იმ პასუხებს გვაძლევენ, რომლებსაც დიდი ხანია ვეძებთ.

ამ შეხვედრაზე უფრო ღრმად შევეხებით Flowing Rhythm-ის პრაქტიკას — დინების რიტმს, რომელიც გვასწავლის, როგორ მივცეთ საკუთარ თავს არსებობის ნებართვა და როგორ მივყვეთ ამ შინაგან მოძრაობას სრულად. ჩვენ უფრო ღრმად გავდგამთ ფესვებს სიმამაცეში — იმ ძალაში, რომელსაც შეუძლია ნებისმიერი შიში დაიტიოს, განსაკუთრებით კი საკუთარი გულის შეგრძნების შიში.

„ხანდახან ყველაფერი, რაც გჭირდება, საკუთარი თავისთვის გრძნობის უფლების მიცემაა. ხშირად ყველაზე დიდ ტკივილს თავად ემოციები კი არა, მათი შეგრძნების წინააღმდეგობა ან ის სირცხვილი იწვევს, რომელიც ეკლებივით იზრდება მათ გარშემო.“
— ოლივია ლეინგი