პოლ გოგენი

პოლ გოგენი XIX–XX საუკუნეების მიჯნაზე ერთ-ერთი ყველაზე წინააღმდეგობრივი ფიგურაა. მეამბოხე და მეოცნებე, ევროპული ცივილიზაციიდან გაქცეული ხელოვანი, რომელმაც შეძლო საკუთარი თავის შესახებ ისეთი მითის შექმნა, რომელიც არანაკლებ შთამბეჭდავია, ვიდრე მისი მხატვრობა. ტაიტი, „პირველქმნილი“ სილამაზის ძიება, აკადემიური ტრადიციისგან რადიკალური გამიჯვნა და მწვავე მორალური კითხვები — ყველაფერი ეს განუყოფელია მისი სახელისგან.

ლექციაზე გავყვებით მხატვრის შემოქმედებით გზას, განვიხილავთ მისი საკვანძო ნამუშევრების სიმბოლიკას, ვისაუბრებთ იმაზე, როგორ იბადება მხატვრული მითი და ვეცდებით, გავმიჯნოთ ლეგენდა რეალობისგან. ვინ იყო გოგენი სინამდვილეში — ახალი ხელოვნების ვიზიონერი, პასუხისმგებლობისგან გაქცეული ადამიანი თუ ის, ვინც თავისუფლებისთვის მაღალი ფასი გადაიხადა?

ლექციას წაიკითხავს ლიანა ლაშხია — ხელოვნებათმცოდნე, დამოუკიდებელი მკვლევარი.