[დევიდ ლინჩის ხსოვნას] ლურჯი ხავერდი

ეროტიკული დეტექტიური თრილერი ნეონუარის სტილში. ფილმი, რომელმაც ლინჩს მოაპოვებინა მეორე ნომინაცია „ოსკარზე“ საუკეთესო რეჟისურისთვის, დღეს 80-იანი წლების ერთ-ერთ უდიდეს ნამუშევრად ითვლება. ამერიკის კინოხელოვნების ინსტიტუტმა იგი შეიყვანა 100 ყველაზე დრამატული ამერიკული ფილმის სიაში და 10 საუკეთესო ამერიკულ ფილმს შორის 10 კლასიკურ ჟანრში.

დღეს ფილმს ხშირად მოიხსენიებენ, როგორც კინემატოგრაფისა და პოპ-არტის ან ექსპრესიონიზმის სინთეზის მაგალითს, რაც გამოიხატება ამ მიმდინარეობებისთვის დამახასიათებელ გაჯერებულ ფერებში.

როგორც თავად ლინჩი აღიარებდა, „ლურჯი ხავერდი“ მისი პირველი ფილმია, სადაც მუსიკას განსაკუთრებული მნიშვნელობა მიანიჭა. ეს ნაწილობრივ უკავშირდება კომპოზიტორ ანჯელო ბადალამენტის გაცნობას. ბადალამენტი მუსიკის შექმნას შეუდგა, ლინჩის რჩევით შთაგონებულიყო დიმიტრი შოსტაკოვიჩის „სიმფონია №15 ლა მაჟორით“. მას შემდეგ ბადალამენტის მელოდიური და მელანქოლიური მუსიკა ლინჩის კინემატოგრაფიის განუყოფელი ნაწილი გახდა.