მეგური

უნიკალური ბუტო წარმოდგენა, სადაც ზღვის ადიდებული ენერგია და მიწის სიჩუმე მაყურებლის სულს ერთიან ციკლად აკავშირებს.

„ერთ-ერთი ყველაზე ორიგინალური საცეკვაო თეატრი, რომელიც კი ოდესმე გინახავთ.“ - ნიუ იორკ თაიმსი

MEGURI — „ადიდებული ზღვა, წყნარი მიწა“ საერთაშორისოდ ცნობილი იაპონური ავანგარდული ცეკვის კომპანიის „სანაკი ჯუკუს“ ლეგენდარული დამფუძნებელის, უშიო იამაგაცუს მიერაა შექმნილი 2015 წელს. წარმოდგენა შვიდნაწილიანი, 90-წუთიანი ნამუშევარია, რომელიც ციკლურ პროცესებს იკვლევს — წყლის მოძრაობას, სეზონურ ცვლილებებს და დედამიწის გრძელვადიან გარდაქმნებს. ბუტოს უნიკალური გამომსახველობითი ფორმით გადმოცემული ნამუშევარი გაყინულ სცენურ სურათებს, რიტუალიზებულ ჯგუფურ ფორმაციებს აერთიანებს - მინიმალისტური, ამაღელვებელი მუსიკის ფონზე. ეს ყველაფერი დროის პერიპეტიების, სეზონების ციკლის, გარემოს ცვლილებების ანუ დედამიწის გარდაქმნის პროცესია.

„მეგური“ კი პიქტოგრაფიული ნიშანი, რომელიც იმ ყველაფრის სიმბოლოს წარმოადგენს, რაც ბრუნავს, როგორც დედამიწა, კონტინენტთა და ოკეანეთა
სივრცეში ცირკულირებული ჰაერი, წყლების დინებათა სისტემა... თეთრი მტვრით დაფარული და თავგადაპარსულნი მსახიობები ნელი დინებასავით მოძრაობენ და მეხსიერების წაშლას, ხელახლა დაბადებას განასახიერებენ.