ლექცია და ფილმის „ცისფერი მთები, ანუ დაუჯერებელი ამბავი“ ჩვენება

ახალგაზრდა მწერალს, სოსოს, თავისი მოთხრობა რედაქციაში მიაქვს იმ იმედით, რომ მას გამოაქვეყნებენ. თუმცა ამის ნაცვლად იგი ბიუროკრატიისა და გულგრილობის დაუსრულებელ ლაბირინთში აღმოჩნდება. გადის სეზონები, რედაქციის თანამშრომლები საკუთარი საქმეებით არიან დაკავებულნი, ხოლო მისი ხელნაწერი ყველას ავიწყდება.

მთელ დაწესებულებაში მხოლოდ მღებავი კითხულობს სოსოს ხელნაწერს ინტერესითა და სიამოვნებით.

ფილმის ჩვენებას წინ უძღვის ლექცია, რომელიც ერთ-ერთ ყველაზე ცნობილ ქართულ სატირულ ფილმს ეძღვნება. საუბარი შეეხება ბიუროკრატიას, ადამიანურ გულგრილობასა და შემოქმედებითი თავისუფლების თემებს, რომლებიც ამ ნამუშევარს დღემდე აქტუალურს ხდის.