გალინა იუზეფოვიჩის ლექცია „ცოტა რამ სიკეთესა და ბოროტებაზე: ინგლისური ტრადიციები და ღირებულებათა სისტემა „ჰარი პოტერში““

გალინა იუზეფოვიჩის ლექცია
„ცოტა რამ სიკეთესა და ბოროტებაზე: ინგლისური ტრადიციები და ღირებულებათა სისტემა „ჰარი პოტერში““

მონობა, ფეტშეიმინგი, ქედმაღლური უმეცრება, რასიზმი, ქსენოფობია — მრავალი რამ, რაც ჩვენთვის კატეგორიულად მიუღებელია, „ჰარი პოტერის“ სამყაროში არა მხოლოდ ლეგალურია, არამედ ხშირად საზოგადოებრივად მიღებულიც კი. როგორ არის ეს შესაძლებელი წიგნში, რომელიც აშკარად ჰუმანისტურ ღირებულებებზე დგას?

თავის ლექციაში ლიტერატურული კრიტიკოსი გალინა იუზეფოვიჩი, წიგნის „ჰოგვორტსის გასაღებები: ჰარი პოტერის სამყაროს კულტურული კოდები“ ავტორი, მოგვითხრობს, რატომ მოხდა ასე და აგვიხსნის, როგორ უკავშირდება ეს და სხვა გასაოცარი წინააღმდეგობები მაგიური ეთიკის სფეროში კრიკეტს, კერძო სკოლებს, ჯივზს, ვუსტერს, ერკიულ პუაროსა და სხვა ტიპურ ბრიტანულ კულტურულ ფენომენებს.