ჯოჯო კურდღელი

ტრაგიკომედია ნაცისტურ გერმანიაზე, რომელსაც თავად ავტორებმა „სიძულვილის წინააღმდეგ სატირა“ უწოდეს. ფილმი მოგვითხრობს პატარა ნაცისტზე, ჯოჯოზე, მეტსახელად „კურდღელი“, რომელიც 1944 წლის გერმანიაში ცხოვრობს. ბიჭი სულ რაღაც 10 წლისაა, მაგრამ მისი ერთადერთი სურვილია რაიხს ემსახუროს. იმდენად, რომ მისი საუკეთესო მეგობარი წარმოსახვითი ადოლფ ჰიტლერია. თუმცა ყველაფერი იცვლება, როდესაც აღმოაჩენს, რომ მის სახლში, სხვენში, ებრაელი გოგონა იმალება. ამ მომენტიდან ჯოჯოს მსოფლმხედველობა იწყებს რღვევას.

ეს ფილმი ნათელი და ფერადოვანია, თითქოს ბავშვური ფერადი წიგნაკი იყოს, მაგრამ მისი სათქმელი სრულიად ასაკგამოუყოფელია. ის სავსეა ვაიტიტის ექსცენტრული და განსაკუთრებული, სრულიად უგუნური იუმორით. სიკვდილი, დანაკარგი და ომის საშინელებები ამ ფერად სამყაროში შეჭრილები არიან მხოლოდ წერტილოვნად, იშვიათ სცენებში, რაც მათ კიდევ უფრო გამანადგურებელ ძალას სძენს. სახლის უსაფრთხო ზღურბლის მიღმა კი იწყება ომი – აბსურდული, ჭრელი და სევდიანი.