კოტე და სოსო წერეთლების მემორიალური სახლ-მუზეუმი

მისამართი: უზნაძის ქ. 2, 0190, თბილისი, 

სამუშაო დღეები: ყოველი დღე, 

სამუშაო საათები: 10:00-18:00 სთ 

1959 წელს კონსტანტინე წერეთელმა მეცნიერებათა აკადემიის შუამდგომლობით მიიღო ბინა ქ. თბილისში, უზნაძის N 2-ში და ამ დროიდან მოყოლებული წერეთლების ოჯახი ცხოვრობდა ამ ბინაში. 

მუზეუმის დაარსების შესახებ მთავრობის პირველი დადგენილება (N06.40.133) 2003 წლიდან არსებობს. 2011 წელს კი სოსო წერეთლის დედამ - ლეილა წერეთელმა თავისი უძრავი ქონება უსასყიდლოდ გადასცა ქალაქ თბილისის თვითმართველობას. („საქართველოს დედაქალაქის- თბილისის შესახებ“ საქართველოს კანონის 36-ე მუხლის შესაბამისად, ქ. თბილისის მთავრობის 28.03.11 წელი N 07.24.251 დადგენილების საფუძველზე ხელშეკრულება, რომლის მიხედვით ბინა გადაეცა ქ. თბილისის თვითმართველ ერთეულს ააიპ - მხატვარ სოსო წერეთლისა და აკადემიკოს კოტე წერეთლის მემორიალური მუზეუმის ფუნქციონირების შენარჩუნების პირობით). 

კოლექციები - მუზეუმში დაცულია ცნობილი ქართველი აღმოსავლეთმცოდნის, საქართველოში ებრაისტიკა-არამეისტიკის ფუძემდებლის კონსტანტინე წერეთლისა მხატვრის სოსო წერეთლის ცხოვრებასა და მოღვაწეობასთან დაკავშირებული მასალები: მემორიალური ნივთები, პირადი არქივი, ხელნაწერები, ფოტომასალა, სხვადასხვა დოკუმენტები. სოსო წერეთლის შემოქმედებითი მემკვიდრეობა (ფერწერა, გრაფიკა, ჩანაწერები). კოტე წერეთლის ბიბლიოთეკა, როგორც მისი ნაშრომები, ასევე აღმოსავლეთმცოდნეობის დარგის იშვიათი გამოცემები.

„ახალგაზრდული ბარათის“ მფლობელთათვის, შესაბამისი დოკუმენტის წარდგენით, ყველა მუზეუმში შესასვლელ ბილეთებზე მოქმედებს ფასდაკლება 20%-ის ოდენობით. ბარათის გამოყენება შესაძლებელია მხოლოდ ადგილზე.

შესაბამისი დოკუმენტის წარდგენით მუზეუმში შესვლა უფასოა: 

➢ ICOM-ის წევრებისთვის; 

➢ პენსიონერთათვის; 

➢ შეზღუდული შესაძლებლობის მქონე პირთათვის; 

➢ 6 წლამდე ბავშვებისთვის; 

➢ სოციალურად დაუცველი და იძულებით გადაადგილებული პირებისთვის;

➢ საქართველოს ტერიტორიული მთლიანობის, თავისუფლებისა და დამოუკიდებლობისათვის საბრძოლო მოქმედების ვეტერანებისათვის და მათთან გათანაბრებული პირებისათვის.