კუდიანის საფოსტო სერვისი

იდეალურ ევროპაში, 50-იანი წლების პარალელურ ვერსიაში, სადაც მეორე მსოფლიო ომი არასდროს ყოფილა და ყველა თავმოყვარე ქალაქი ხმელთაშუა ზღვას ესაზღვრება, 13 წლის მემკვიდრე ჯადოქარი კიკი ტრადიციისამებრ ტოვებს მშობლებს, რათა თავისი არსებობით გააბედნიეროს ქალაქი, სადაც ჯერ საკუთარი ჯადოქარი არ ჰყავთ.

რადგან კიკის არ გააჩნია რაიმე განსაკუთრებული მაგიური ნიჭი, მას მოუწევს წარამარა ატაროს ამანათები ცოცხზე შემჯდარმა, განიცადოს თავისი კატისთვის ღალატი, დაკარგოს ფრენის უნარი, გააცნობიეროს, რომ სამყარო სრულყოფილი არ არის, ამისგან დეპრესიაში ჩავარდეს და ბოლოს — ოდნავ მაინც გაიზარდოს.