ქეთევან ასათაშვილი ვარდ - ფორტეპიანო

ქეთევან ასათაშვილი ვარდი

ქეთევან ასათაშვილი ვარდი დაიბადა თბილისში, 1987 წელს. მან ფორტეპიანოზე დაკვრა ოთხი წლის ასაკში, დედის დახმარებით დაიწყო, ხოლო ექვსი წლიდან სწავლობდა ზ. ფალიაშვილის სახელობის თბილისის სამუსიკო გიმნაზიაში, სადაც მისი პედაგოგი იყო გამოჩენილი მასწავლებელი დარეჯან ცინცაძე. ბავშვობიდანვე აქტიურად გამოდიოდა კონცერტებით, როგორც სოლისტი, ასევე სიმფონიურ ორკესტრებთან, და მალევე მიიპყრო საზოგადოების ყურადღება თავისი მუსიკალური ნოჭიერებით.

ქეთევანის საერთაშორისო წარმატებები ასევე ძალიან ადრეული ასაკიდან დაიწყო — მისი პირველი კონკურსი, „Jeunes Pianistes“ (პარიზი), პირველივე ჯილდოთი დასრულდა, რის შემდეგაც მიიღო უამრავი მოწვევა კონცერტებსა და ფესტივალებზე იტალიაში, საბერძნეთში, რუსეთსა და საქართველოში. იგი წარმატებით მონაწილეობდა სხვადასხვა ფესტივალებსა და კონკურსებში და მრავალი პრიზით დაჯილდოვდა.

მისი პროფესიული განათლება გაგრძელდა სარაჯიშვილის სახელობის თბილისის სახელმწიფო კონსერვატორიაში, პროფესორ სვეტლანა კორსანტიას კლასში, რომელიც დაამთავრა უდიდესი წარმატებით. 2011 წელს ქეთევანმა სამაგისტრო პროგრამა გამოსარჩევი უმაღლესი ქულით (100%) დაასრულა და მიენიჭა „არტისტის წოდება“.

2019 წლიდან ქეთევანი ცხოვრობს ლონდონში და აქტიურად მოღვაწეობს როგორც კონცერტ პიანისტი. იგი რეგულარულად გამოდის ლონდონის პრესტიჟულ საკონცერტო დარბაზებში, მათ შორის Royal College of Music-ის Britten Theatre, Royal Academy of Music, მუდმივი სტუმარი და რეზიდენტ-მუსიკოსია ისტორიულ Reform Club-ში, სადაც თანამშრომლობს გამოჩენილ კამერულ და სოლისტ მუსიკოსებთან.

საკონცერტო მოღვაწეობასთან ერთად ქეთევანი არის ლონდონში British Georgian Music Academy-ის დამფუძნებელი, სადაც იგი ერთ-ერთი აღიარებული და წარმატებული პედაგოგია. იგი ხელს უწყობს დიდი ბრიტანეთში მცხოვრებ ახალგაზრდა მუსიკოსებს რათა ეზიარონ ადრეული ასაკიდან საკონცერტო მოღვაწეობას.

პროგრამა

დომენიკო სკარლატი

სონატა რე მინორი, K. 213

ლუდვიგ ვან ბეთჰოვენი

სონატა №17 რე მინორი, Op. 31 №2

III ნაწილი / Allegretto

იოჰანეს ბრამსი

ფანტაზია Op. 116

(კაპრიჩიოები და ინტერმეცოები)

ალექსანდრე სკრიაბინი

სონატა №4 ფა დიეზ მაჟორში, Op. 30

II

მორის რაველი — (Ma Mère l’Oye)

იოჰანეს ბრამსი — უნგრული ცეკვა №5

ორი ფორტეპიანოსთვის — დუეტი ნათია დიასამიძესთან

რობერტ შუმანი — ხუთი პიესა ხალხურ სტილში, Op. 102

გაბრიელ ფორე — ელეგია, Op. 24

სოლისტი — თორნიკე გეწაძე (ჩელო)

ვაჟა აზარაშვილი — ნაცარქექია

ნათია დიასამიძე — ხორუმი დუეტი ნათია დიასამიძესთან

ასტორ პიაცოლა — ლიბერტანგო

სოლისტები —ქეთევან ასათაშვილი ვარს, ნათია დიასამიძე და თორნიკე გეწაძე.