Kedr Livanskiy

Kedr Livanskiy რუსული ანდერგრაუნდის ერთ-ერთი წამყვანი ფიგურაა, რომელიც ცნობილია როგორც ქვეყნის შიგნით, ისე მის ფარგლებს გარეთაც. 1990-იანი წლების პოპ-მუსიკის უშუალობის, ბრიტანული რეივ-ელექტრონიკის გავლენისა და ფოლკლორის გულწრფელობის შერწყმით, იანამ ჩამოაყალიბა საკუთარი, უნიკალური ავტორული სტილი. მოგვიანებით მას „lo-fi“-სა და „bedroom pop“-ს უწოდებდნენ, ხოლო იანა ამ ჟანრის ერთ-ერთ სიმბოლოდ იქცა.

Kedr Livanskiy-მ გამოუშვა ხუთი სტუდიური ალბომი, მათ შორის გასული წლის Myrtus Myth. მისი საერთაშორისო წარმატება დადასტურებულია Pitchfork-ისა და The Guardian-ის მაღალი შეფასებებით, ასევე აქტიური ტურნეებით: ესპანეთის Primavera-დან უზბეკეთის Stihia-მდე, ევროპული სოლო კონცერტებიდან იაპონიის ტურნემდე.

მომავალი კონცერტის პროგრამა ზუსტად ისაა, რასაც ელოდით: გულწრფელი ცეკვები ძველ ჰიტებზე, ბოლო ალბომის დაგვიანებული პრემიერა და გაზაფხულის პირველი ნიშნები.