ლურჯი ჯეი

წყნარი, მაგრამ ძლიერ ემოციური ფილმი სევდასა და აღდგენაზე — თითქმის სრულად იმპროვიზაციაზე აგებული.

ჯიმი და ამანდა ერთმანეთისთვის პირველი, სკოლისდროინდელი სიყვარული იყვნენ. მათი გზები გაიყო, მაგრამ ოცწლიანი განშორების შემდეგ ჯიმი ბრუნდება მშობლიურ პროვინციულ ქალაქში, რათა გაყიდვამდე მოაწყოს მშობლების სახლი. ისინი ერთმანეთს შეხვდებიან ადგილობრივ სასურსათო მაღაზიაში, გადაწყვეტენ ერთად ყავის დალევას და წარსულის გახსენებას.

ფილმს სცენარი არ ჰქონდა. მსახიობებმა მხოლოდ სიუჟეტი და თავიანთი პერსონაჟების ძირითადი მახასიათებლები იცოდნენ — ყველაფერი დანარჩენი კი იმპროვიზაცია იყო.