რიგებს შორის

მელოდრამა, რომელიც თავდაყირა აყენებს ჟანრის ჩარჩოებს, შესანიშნავი გერმანელი მსახიობების — სანდრა ჰიულერისა და ფრანც როგოვსკის მონაწილეობით. ფილმი არაერთხელ გვარწმუნებს, რომ ყველაფერი სულაც არ არის ისეთი მარტივი და სწორხაზოვანი, როგორიც თავიდან ჩანს — მეტიც, შესაძლოა, ეს საერთოდაც არ იყოს მელოდრამა. უცვლელი მხოლოდ რეჟისორის სიმპათია რჩება თავისი მომხიბვლელად მოუხერხებელი, მორცხვი და ინტროვერტი პერსონაჟების მიმართ.

განმარტოებით მცხოვრები კრისტიანი პროვინციულ სუპერმარკეტში ღამის ცვლაში იწყებს მუშაობას, თუმცა ესეც ვერ იცავს მას ტკბილეულის განყოფილების მომხიბვლელ და იდუმალ თანამშრომელ მარიონთან გაცნობისგან. აშკარაა, რომ მარიონს თავისი საიდუმლოებები აქვს. როდესაც ის მოულოდნელად ბიულეტენზე გადის, კრისტიანს უჩნდება ძლიერი ცდუნება, პასუხების მოსაძებნად საკუთარი ბნელი წარსულის მეთოდებს მიმართოს.

🥨 შეხვედრას გაუძღვება კლინიკური ფსიქოლოგი, ფსიქოანალიტიკოსი და ფსიქოლოგიის ლექტორი ირინა კოზლოვა.

ირინა: „ძალიან სკანდინავიური — დეპრესიული და ამავდროულად ნაზი — არტჰაუსი.“