Ian Munoz Quartet

ახალი თვე, ახალი ბენდი!

გაიცანით იან მუნიოსის კვარტეტი, აგვისტოს “რეზიდენტ ბენდი“!

იან მუნიოსი

იან მუნიოსი ნიუ-იორკში მოღვაწე საქსოფონისტი და ჯულიარდის სკოლის ჯაზის ფაკულტეტის კურსდამთავრებულია. მაიამიში დაბადებული მუსიკოსი შთაგონებას იღებს ჩარლი პარკერის, მაილს დევისის, კენი გარეტის, იმანუელ უილკინსისა და ჯონ კოლტრეინისგან. მას კონცერტები გაუმართავს შონ ჯოუნსთან, ტიმ უორფილდთან, ვინსენტ ჰერინგთან, მეთიუ უიტაკერთან და სხვა ცნობილ მუსიკოსებთან, ასევე გასტროლები ჰქონდა აშშ-ში, ჩინეთში, იაპონიაში, კანადასა და ტაივანში.

აჰმედ მაკლემორი

აჰმედ მაკლემორი დეტროიტში დაბადებული ბასისტი, ობერლინის კონსერვატორიის კურსდამთავრებული და ჯულიარდის სკოლის მაგისტრანტია. მისი შემოქმედება აერთიანებს ჯაზის ტრადიციისადმი პატივისცემასა და თანამედროვე მუსიკალურ ხედვას. მას სცენა გაუზიარებია ტერელ სტაფორდთან, ერიკ რიდთან, პასკუალე გრასოსთან, ტიმ უორფილდთან, სტივ დევისთან და სხვა ცნობილ მუსიკოსებთან.

მეთიუ ლი

მეთიუ ლი ნიუ-ჯერსიში დაბადებული დრამერია, ჯულიარდის სკოლის კურსდამთავრებული, რომელიც ამჟამად ნიუ-იორკში ცხოვრობს და მოღვაწეობს. მუსიკოსების ოჯახში გაზრდილი, ის სწავლობდა ბილი ჰარტთან, ბილი დრამონდთან, კრისტიან მაკბრაიდთან და სხვა გამოჩენილ ჯაზისტებთან. დღეს იგი რეგულარულად გამოდის ნიუ-იორკის ჯაზსცენის გამორჩეულ ახალგაზრდა მუსიკოსებთან ერთად.

აიზეკ ბირდი

აიზეკ ბირდი ბრუკლინში მცხოვრები პიანისტი, კომპოზიტორი და პედაგოგია. ობერლინის კონსერვატორიაში სწავლის შემდეგ, 2025 წელს ნიუ-იორკში გადავიდა, სადაც თანამშრომლობს ისეთ მუსიკოსებთან, როგორებიც არიან კერტის ლანდი, სამარა ჯოი, ბობი უოტსონი და ჯო ფარნსვორთი. მისი მუსიკა ჯაზის ტრადიციას ეყრდნობა და ამავე დროს შემოქმედებით თავისუფლებასა და ადამიანურ კავშირს უსვამს ხაზს.

იან მუნიოსი - საქსოფონი

აჰმედ მაკლემორი - ბასი

მეთიუ ლი - დრამი

აიზეკ ბირდი - პიანო

კარი იღება – 21:00

დასაწყისი – 22:00

ბილეთების შეძენა შესაძლებელია როგორც ონლაინ, ასევე ადგილზე.

TBC Concept - თიბისი კონცეპტი - ს VISA ბარათის და VISA signature სამოგზაურო ბარათის მფლობელებისთვის მოქმედებს 15%-იანი ფასდაკლება.