ცხენებით ფერად ბორცვებზე

ცხენით სეირნობა ფერად ბორცვებსა და მწველი მზისგან გამომშრალ მინდვრებზე — ეს გამოცდილება დიდხანს გაგყვებათ.

სისუსტე, გაღიზიანება, მიღება, საკუთარ თავზე გამარჯვება, სიამაყე და ჯილდო რთული დღის ბოლოს — ეს ის ეტაპებია, რასაც ამ მოგზაურობაში გადახვალთ. როგორ ფიქრობთ, მზად ხართ? მაშინ წავედით!

მოგზაურობას დავიწყებთ უგემრიელესი საუზმით ოჯახურ ტავერნაში სოფელ უდაბნოში — ჯაბა გაგვიმასპინძლდება თავისი საუკეთესო კუბდარით. შემდეგ კი ცხენებზე ამხედრებული გავეშვებით ოთხსაათიან გზაზე უდაბნოს წითელ და ოქროსფერ ფერდობებზე.

მთელი ტურის განმავლობაში თქვენთან ერთად იქნებიან 2 გამოცდილი გიდ-ინსტრუქტორი, რომლებიც უსაფრთხოებაზე იზრუნებენ. ყოველ საათში ერთხელ შევისვენებთ მოკლე გაწელვებისა და შესვენებისთვის. ჩვენი მთავარი მიზანია დავითგარეჯის უნიკალური მოქმედი მონასტერი, სადაც IX–XIV საუკუნის ფრესკებია შემორჩენილი. ბერების კელიები და მონასტერი კლდეშია გამოკვეთილი და რამდენიმე კილომეტრზეა გადაჭიმული.

დღის ჯილდო და ულამაზესი ფინალი — ვახშამი ისევ ჯაბას ტავერნაში. ყველიც კი სპეციალურად ჩვენი ჯგუფისთვის იქნება დამზადებული. არ მოაკლდება არც შინაური ღვინო.

მონაწილეთა ფიზიკური მომზადების დონე: საშუალო / საშუალოზე მაღალი
ცხენზე ჯდომის გამოცდილება: საშუალო / საშუალოზე მაღალი

ჯგუფში მხოლოდ 8 მონაწილეა.

ფასი: 280 ლარი

ფასში შედის:

• კომფორტული ტრანსფერი

• წყალი

• 5-საათიანი ცხენით ტური უდაბნოში

• საუზმე და ვახშამი ოჯახურ ტავერნაში, სოფელ უდაბნოში

• 2 გიდ-ინსტრუქტორის მომსახურება

ტაიმინგი:

08:40 — შეკრება მ. რუსთაველთან
09:00 — გამგზავრება თბილისიდან
10:30 — ჩასვლა უდაბნოში
11:30–12:30 — საუზმე
12:30–13:00 — ინსტრუქტაჟი, მომზადება
13:00–17:30 — ცხენებით ტური (ფერადი ბორცვები, მონასტრები, კელიები)
17:30–19:30 — ვახშამი ტავერნაში
19:30–21:00 — დაბრუნება თბილისში

დამატებითი ინფორმაცია:

საუზმე:

• კუბდარი

• შინაური სულუგუნი

• სალათი

• ყავა ან ჩაი

ვახშამი:

• ფხალი

• სალათი

• შინაური სულუგუნი პიტნით

• აჯაფსანდალი

• ხაჭაპური

• ჩახოხბილი

• პური

• წვენი ან ღვინო