ანრი დე ტულუზ-ლოტრეკი — მხატვარი, რომელმაც თანამედროვე ხელოვნება შეცვალა

ანრი დე ტულუზ-ლოტრეკი — მხატვარი, რომელმაც თანამედროვე ხელოვნება შეცვალა

არისტოკრატულ ოჯახში დაბადებულმა ანრი მარი რაიმონ დე ტულუზ-ლოტრეკ-მონფამ მემკვიდრეობით მიიღო არა მხოლოდ არაერთი ტიტული, არამედ იშვიათი გენეტიკური დაავადებაც. ოჯახი ცდილობდა თავისი „განსხვავებული“ შვილის დამალვას, თუმცა ანრიმ საკუთარი ადგილი მონმარტრის კაბარეებსა და ბორდელებში იპოვა — იმ ადამიანებს შორის, რომლებსაც საზოგადოება გარიყულად მიიჩნევდა.

ის ხატავდა პარიზის ღამის ცხოვრების ვარსკვლავებსა და ჩვეულებრივ გმირებს, გახდა თანამედროვე სარეკლამო პლაკატის ერთ-ერთი ფუძემდებელი და სწორედ იქ იპოვა გარემო, სადაც უყვარდათ და იღებდნენ.

ოჯახი მის არჩევანს არ იზიარებდა. მამა სთხოვდა, ნამუშევრებზე გვარი ტულუზ-ლოტრეკი არ დაეწერა, ხოლო ნათესავები ურჩევდნენ უფრო „ღირსეული“ მოდელები აერჩია.

დრომ აჩვენა, რომ ამან ვერაფერი შეცვალა — დღეს ტულუზ-ლოტრეკის სახელი მთელ მსოფლიოშია ცნობილი.

ლექციაზე გაიგებთ:

• როგორ იმოქმედა ტულუზ-ლოტრეკის შემოქმედებამ ვან გოგზე, Moulin Rouge-ზე, ენდი უორჰოლსა და სხვა ხელოვანებზე;

• როგორ აღიქვამდნენ მონმარტრის მომღერლები და მოცეკვავეები საკუთარ გამოსახულებებს მის ცნობილ პლაკატებზე;

• რატომ შეარქვეს ანრის „ყავის ჩაიდანი“.

მხატვარს კიდევ ორი საოცრად თანამედროვე ჰობი ჰქონდა — არაჩვეულებრივ კოსტიუმებში ფოტოების გადაღება და კულინარია. ლექციაზე იხილავთ მის ყველაზე ორიგინალურ ფოტოებს და გაეცნობით რამდენიმე საინტერესო რეცეპტსაც.

ლექციას წაიკითხავს გალინა აპრიშკინა — ხელოვნებათმცოდნე, ლექტორი და გიდი, რომელსაც მრავალწლიანი გამოცდილება აქვს მოსკოვსა და თბილისში.