ჰასან ჰელიმიშის ნახატების გამოფენა ბათუმში გაიმართება

ჰასან ჰელიმიშის ნახატების გამოფენა ბათუმში გაიმართება!

17–24 ივლისს აჭარის ხელოვნების მუზეუმში გაიმართება ცნობილი ქართველი პოეტისა და მხატვრის, ჰასან ჰელიმიშის ნამუშევრების გამოფენა.

აღიარება მას გარდაცვალების შემდეგ ერგო, როდესაც თბილისიდან ჩასულმა ხელოვნებათმცოდნეებმა სარფში, ადგილობრივ ბიბლიოთეკაში, მისი ნამუშევრები აღმოაჩინეს.

ჰელიმიშის ნამუშევრების უმეტესობა ზღვის თემატიკას ეძღვნება — თევზაობას, იალქნიან გემებსა და ზღვის ცხოვრებას. მისი შემოქმედება საინტერესოა არა მხოლოდ მხატვრული თვალსაზრისით, არამედ განსაკუთრებულ მნიშვნელობასაც წარმოადგენს, როგორც რეგიონის წარსულის შესწავლის მნიშვნელოვანი წყარო.