Gods & Monsters | CG Georgia Challenge

CG Georgia ახალი ჩელენჯით გიბრუნდებათ - Gods & Monsters: Character Design Challenge!

 გიწვევთ დიზაინ აქტივობაში, სადაც მსოფლიო მითოლოგიური პერსონაჟები ცოცხლდებიან. საკონკურსო დავალების მიხედვით მონაწილეებს მოუწევთ შექმნან ნამუშევარი, სადაც გადმოცემული იქნება მათი თვალით დანახული მსოფლიო მითოლოგიური პერსონაჟი ნებისმიერი პერიოდიდან - იქნება ეს ქართული, ბერძნული, სკანდინავიური, ეგვიპტური, იაპონური, რომაული თუ სხვა კულტურის გმირი, ღმერთი, ურჩხული ან სულიერი არსება.

მთავარი მიზანია გადმოცემული იყოს პერსონაჟის მთავარი დამახასიათებელი ნიშნები, თვისებები, ნივთები, რაც გამოარჩევთ მათ. მნიშვნელოვანია მონაწილეებმა შეიტანონ ინდივიდუალური ელემენტები, რომელიც გაამრავალფეროვნებს ნამუშევარს. 

 პროექტში მონაწილეობა შეუძლია ნებისმიერ დაინტერესებულ პირს, რომელსაც აქვს სურვილი გამოხატოს საკუთარი ფანტაზია და ნამუშევარი გაუზიაროს ფართო აუდიტორიას.
 შესრულების ფორმატი:

ჩელენჯი იყოფა ორ ნაწილად: 2D დიზაინი და 3D დიზაინი

•  მინ. რეზოლუცია: 2048 x 2048
•  ფაილის ფორმატი: JPG , PNG, PDF
•  ფორმატი: 1:1 (კვადრატი)

_____________________________________

 წესები

•  წარმოდგენილი ნამუშევარი უნდა იყოს მონაწილეს მიერ შექმნილი ორიგინალი და არ შეიცავდეს პლაგიატს (პლაგიატის აღმოჩენის შემთხვევაში CG Georgia იტოვებს უფლებას ნამუშევარი ავტომატურად მოხსნას მონაწილეობის სიიდან)
•  აუცილებელია, რომ სამუშაო პროცესი აღბეჭდოთ ეტაპობრივად. (ვიდეოს სახით,როგორც მტკიცებულება, თქვენი ნამუშევრის)
•  ნამუშევრის გამოგზავნით მონაწილე ადასტურებს, რომ ფლობს საავტორო უფლებებს და ანიჭებს ორგანიზატორებს უფლებას ნამუშევარი გამოვიყენოთ ვებსაიტზე, გამოფენაზე, პუბლიკაციასა და სხვა მასალებში (ავტორის მითითებით).

 ნამუშევრების გამოგზავნის წესი მოიცავს ორ ნაბიჯს:

1. რეგისტრაცია და ატვირთვა CG Georgia ჩელენჯის ოფიციალურ ვებგვერდზე-https://cgchallenge.ge

2. პარალელურად პოსტის გამოქვეყნება CG Georgia-ს ფეისბუქ ჯგუფში-https://www.facebook.com/groups/cggeorgia; პოსტზე უნდა იყოს მითითებული:

•  ავტორის სახელი და გვარი / ან ინსტაგრამ გვერდი (არსებობის შემთხვევაში)
•  მოკლე აღწერა, რომელიც ხსნის ნამუშევრის მთავარ იდეას; გამოყენებული პროგრამა/ები
• ჰეშთეგები:

#CG Georgia
#CG_gods_Monsters_Character_Design
#CGGEORGIACHALLENGE

 გთხოვთ გაითვალისწინოთ: ორივე პლატფორმაზე აუცილებელია ნამუშევრის განთავსება
 ნამუშევრების მიღება სრულდება: 10 იანვარს, 23:59 საათზე
ღონისძიების პარტნიორია Terminal • ტერმინალი. გამარჯვებულები გამოვლინდებიან ტერმინალის სივრცეში გამართულ სპეციალურ ღონისძიებაზე 17 იანვარს 17:00 საათზე.

გამოვლინდება 3 გამარჯვებული, რომელსაც ტერმინალისგან გადაეცემა სამუშაო სივრცის ერთ თვიანი ვაუჩერი:
1. 2D დიზაინის მიმართულებით
2. 3D დიზაინის მიმართულებით 
3. ჟიურის რჩეული