წარმოსახვის ფუნქციები

14 აპრილს აზროვნების აკადემიაში გაიმართება სალონური საუბრები ფსიქოლოგ, კოგნიტურ-ბიჰევიორულ ფსიქოთერაპევტ ანა ღვინიანიძესთან თემაზე: „წარმოსახვის ფუნქციები"

წარმოსახვა ადამიანის ფსიქიკის ერთ-ერთი მნიშვნელოვანი მექანიზმია ის ქმნის სივრცეს, სადაც ადამიანი ამუშავებს გამოცდილებას, ემოციებსა და ურთიერთობებს. ამ ლექციაზე განვიხილავთ, რა როლი აქვს წარმოსახვას ადამიანის ყოველდღიურ ცხოვრებაში, როგორ შეიძლება ის იქცეს როგორც შინაგან თავშესაფრად, ასევე ქცევის, გადაწყვეტილებებისა და მოქმედების ერთგვარ „სამზადისად“. საუბარი შეეხება იმასაც, თუ როგორ ეხმარება ან ზოგ შემთხვევაში როგორ ართულებს წარმოსახვითი პროცესები საკუთარ თავთან, სხვებთან და გარემოსთან კავშირის დამყარებას.

ლექციის ფარგლებში განსაკუთრებული ყურადღება დაეთმობა წარმოსახვის როლს ფსიქიკური მდგომარეობებისა და გარკვეული ფსიქოლოგიური სირთულეების კონტექსტში. ასევე განვიხილავთ თანამედროვე რეალობის ერთ-ერთ მნიშვნელოვან თემას, როგორ ურთიერთქმედებს ადამიანის წარმოსახვა ხელოვნურ ინტელექტთან და რა ახალ შესაძლებლობებსა და გამოწვევებს ქმნის ეს ურთიერთობა.

🍰 შეხვედრაზე დაგხვდებათ ფურშეტი და სასიამოვნო გარემო

შეხვედრის ხანგრძლივობა – 2-3 საათი