"კვალდაკვალ" (ქორეოგრაფიული მოგზაურობა)

"კვალდაკვალ" — ქორეოგრაფიული მოგზაურობა საქართველოს კულტურული მეხსიერების კვალდაკვალ.

დადგმა შთაგონებულია ექვთიმე თაყაიშვილის ღვაწლით, რომლის წყალობითაც საქართველოს კულტურული საგანძური გადარჩა. წარმოდგენაში გადარჩენილი არტეფაქტები პორტალებად იქცევა, რომლებიც ქვეყნის სხვადასხვა ეპოქასა და კუთხეში გვამოგზაურებს.

ქართული ფოლკლორული ცეკვა და თანამედროვე პლასტიკა ერთიანდება ისტორიად კულტურული მემკვიდრეობის შესახებ, რომელიც დღემდე ცოცხლობს.

დადგმა 8 დღეში შეიქმნება "ILETI"-ს საერთაშორისო საზაფხულო საცეკვაო ბანაკის ფარგლებში, რომელიც საქართველოში ყოველწლიურად ტარდება. წელს პროექტი 6 ქვეყნის მონაწილეებს გააერთიანებს, რომლის ფარგლებშიც ისინი ცეკვის ენის საშუალებით ქართულ კულტურას შეისწავლიან.

პროექტი ხორციელდება ქალაქ თბილისის მერიის მხარდაჭერით.

ხანგრძლივობა: 70 წუთი