Fireflies x soooonspace - ემბიენთ მუსიკის სესია

ამჯერად, fireflies ემბიენთ ლაივ სესიების სერია ევნაგელისტური ეკლესიის შემდეგ Soooon Space-ში, უფრო მყუდრო, მაგრამ კვლავ ატმოსფერულ გარემოში გადაინაცვლებს. ემბიენთ და ექსპერიმენტულ ლაივებს სხვადასხვა ტექნიკით და მეთოდოლოგიით შეასრულებენ - AGAVA, Marching Dog და Evgeny Bylina. 
 

საგამოფენო სივრცეში ასევე წარმოდგებილი იქნება იქნება ანკა ოდიშელიძის (ann_is_lost)ნამუშევრები რომლებიც გაერთიანებულია სერიაში “შენ ყოველთვის იქნები”
 

სივრცის სპეციფიკიდან გამომდინარე ადგილების რაოდენობა შეზღუდულია


არტისტები 

Marching Dog

ალბათ, უკვე გსმენიათ TOYSOP RECORDS-ის და მის ქვეშ გაერთიანებული არტისტების შესახებ - GEORGINA BEASTLY, GRB3, MINDORI, TWO PROFESSORS და სხვები. შეიძლება იცოდეთ, შეიძლება არა, მაგრამ ამ ყველაფრის უკან ლეიბლის მთავარი მამოძრავებელი ძალა, ლევან ჯავახიშვილი დგას.

ეს ყველაფერი კარგია, მაგრამ ხანდახან მასაც სჭირდება ჩვენგან გაქცევა - და სწორედ ამ დროს იბადება MARCHING DOG. DOG კი ლევან ჯავახიშვილია თავისი გიტარითა და გაჯეტების დიდი კოლექციით, რომელიც გზას იკვალავს ღრმა სფეისიდან 21-ე საუკუნის ფსიქოდელიის მშვიდ, პასტორალურ სივრცეებამდე.

AGAVA
AGAVA ეს არის ექსპერიმენტალური მოდულარ სინთ პროექტი, რომელიც სრულად ფოკუსირებულია ლაივ პერფორმანსზე. იქიდან გამომდინარე, რომ ლაივის დროს ჩაწერა არ ხდება, AGAVA ქმნის უნიკალურ გამოცდილებას უშუალოდ მომენტში - ამიტომ არც ერთი პერფორმანსი არ ჰგავს ერთმანეთს.

AGAVA მსმენელს საშუალებას აძლევს სრულად ჩაერთოს მუსიკაში და შეიგრძნოს თითოეული სესიის ენერგია. რეზონანსის, ემბიენტური ხმოვანი ლანდშაფტების, საუნდტრეკ ტექსტურების, noise-ის, და იმპროვიზაციის ელემენტების შერწყმით, გვთავაზობს ღრმა, მედიტაციურ ხმოვან გამოცდილებას, რომელიც პერფორმანსის დასრულების შემდეგაც დიდხანს რეზონირდება შენში.

ევგენი ბილინა
ევგენი ბილინა კულტურის თეორეტიკოსი და მუსიკოსია, რომელიც მეხსიერებასა და ნოსტალგიას ხელოვნებისა და მეცნიერების პრიზმით იკვლევს. ჰაუნტოლოგიისა და მოსმენის ფენომენოლოგიის კონცეფციებზე დაყრდნობით, ევგენი იკვლევს, თუ როგორ რეზონირდება წარსული თანამედროვე ხმის კულტურაში, რაც იწვევს დავიწყებული ან რეპრესირებული მოვლენების მოგონებებს. მისი მუსიკალური ნაწარმოებები, რომლებსაც ის „Love Ambient“-ს უწოდებს, ადრეულ გოთურ მგრძნობელობას Lo-fi ელექტრონიკასთან და დიდი ხნის წინ დავიწყებული რომანტიკული პოპ მუსიკის ლუპებთან აერთიანებს.

მომავალ ლაივ სესიაზე ბილინა წარადგენს თავის ალბომს „Accidental Meetings“, რომელიც გასულ წელს გამოვიდა მონრეალის ემბიენტ ლეიბლზე Florina Cassettes. ამ წარმოდგენაში ევგენი იმუშავებს დამამშვიდებელ მარცვლოვან ტექსტურებთან, რადიო მანიპულაციებთან, Loop ჩანაწერებთან და ელექტრო პიანოსთან ერთად.

ანკა ოდიშილიძე
ანკა ოდიშილიძე (Ann Is Lost) ქართველი ვიზუალური არტისტი და კომპოზიტორია, თავდაპირველად ის სწავლობდა და დაამთავრა საქართველოს სახელმწიფო სამხატვრო აკადემია. აქვს მოდის დიზაინის მაგისტრის ხარისხი მილანის დომუსის აკადემიიდან. მოდის ინდუსტრიაში 5-6 წლიანი მუშაობის შემდეგ, მან დაიწყო მუსიკის შექმნა მოდის ჩვენებებისთვის, რითაც თავის პრაქტიკაში ახალი აუდიოვიზუალური მიმართულებას დაუდო საფუძველი

“შენ ყოველთვის იქნები” - სადაც ‘შენ’ იგულისხმება როგორც შინაგანი ბავშვი, რომელსაც ჭირდება მოსმენა და ზრუნვა ან უბრალოდ დასვენება.

გამოფენის კონცეფცია წარმოიშვა წარმოსახვით სამყაროში, ბავშვობაში და უძილო ღამეებში, ბუნებაში, ტყეებში და ცხოველებში,

არაფერი განსაკუთრებული.. უბრალოდ შეგახსენებ რომ ‘შენ ყოველთვის იქნები.. ცოცხალი და თავისუფალი როგორც ბავშვი.