ევროპა

ლარს ფონ ტრიერის „ე-ს ტრილოგიის“ დასკვნითი ფილმი, რომელიც შედგება „დანაშაულის ელემენტის“, „ეპიდემიის“ და „ევროპას“გან. ამ ფილმებს არ აქვთ საერთო სიუჟეტი და განსხვავებულ სტილშია გადაღებული, მაგრამ თემატურად გაერთიანებულია: თავისი დამახასიათებელი კატასტროფული ხედვით, ტრიერი ძველი ევროპის მდგომარეობაზე ფიქრობს და სამი განსხვავებული სცენარით გვთავაზობს პოსტაპოკალიპტურ ევროპას.

„ევროპა“ — ჰიპნოზური სიზმარია ომისშემდგომ გერმანიაზე, სადაც კაფკას სტილში გულუბრყვილო ახალგაზრდა ამერიკელი მოიხიბლება ნაცისტური ფუნქციონერის ქალიშვილით, იმ დროს, როცა ფარულად მოქმედი ნაცისტური წინააღმდეგობა ტერორისტულ თავდასხმებს აწყობს ამერიკულ ადმინისტრაციაზე. ეს რეჟისორის ბოლო ფილმია, რომელიც ფირზეა გადაღებული და, შესაძლოა, ვიზუალურად ყველაზე დახვეწილი მის ნამუშევრებს შორის.