ემოციური ჯანმრთელობა და ფსიქოსომატიკა

აზროვნების აკადემიაში ლექციათა ციკლის, „მენტალური ჯანმრთელობა" ფარგლებში გაიმართება სალონური საუბრები მაია ხოსიტაშვილთან

 თემა: „ემოციური ჯანმრთელობა და ფსიქოსომატიკა"

შეხვედრა ეხება ემოციური ჯანმრთელობისა და ფსიქოსომატიკის ურთიერთდამოკიდებულებას.

განვიხილავთ, როგორ უკავშირდება გადაუმუშავებელი ემოციები, ქრონიკული სტრესი და ადრეული ტრავმული გამოცდილება ჯანმრთელობის პრობლემების ჩამოყალიბებას.

 თანამედროვე კვლევები ადასტურებს, რომ ფსიქიკურ და ფიზიკურ მდგომარეობას შორის კავშირი არ არის მხოლოდ თეორიული ჰიპოთეზა, არამედ ემპირიული რეალობაა, რასაც ფსიქონეიროიმუნოლოგია სწავლობს. შეხვედრის ფარგლებში მსმენელები მიიღებენ ცოდნას ფსიქოსომატური მექანიზმების, ემოციური რეგულაციისა და შინაგანი ჯანმრთელობის აღდგენის ფსიქოლოგიური რესურსების შესახებ.

 შეხვედრაზე განხილული იქნება ისეთი თემები როგორიც არის:

 რა არის ის ძირითადი ფსიქოლოგიური მიზეზები, რაც განაპირობებს ფსიქოსომატურ დაავადებებს;

 რას ნიშნავს ემოციური ჯანრმთელობა და როგორია ჩვენი ემოციური ცხოვრება ;

 რამდენად დიდია ის საფასური რომელსაც ჩვენ ვიხდით ჩვენი ჯანმრთელობით, ემოციების ჩახშობისთვის ასევე ემოციური მაკიაჟისთვის

 ასევე ვუპასუხებთ კითხვას:

რას გვეუბნება ჯანმრთელობის პრობლემა, რა არის ის გზავნილი რასაც სხეული გვაწვდის, როდესაც საქმე ეხება ფსიქოსომატურ დაავადებებს.

შეხვედრის პარტნიორი - ინტეგრა - აზროვნების აკადემიის მენტალური ჯანმრთელობის ცენტრი

დასწრება შესაძლებელი იქნება როგორც ადგილზე, ასევე ონლაინ ფორმატშიც Google Meet-ის მეშვეობით

შეხვედრაზე დაგხვდებათ ფურშეტი და სასიამოვნო გარემო

შეხვედრის ხანგრძლივობა – 2-3 საათი