ეჭვი

სპექტაკლი თამაშდება პანსიონატში განვითარებულ მოვლენების გარშემო, რომლის ფონზეც პატიოსანი მღვდელი და პედაგოგი უსაფუძვლოდ ეჭვმიტანილ იქნა ბილწ დანაშაულში, რამაც შეიწირა მისი რეპუტაცია და კარიერა.

თანამედროვე სამყაროში, სადაც ნებისმიერი ინფორმაციის გავრცელება ძალიან მარტივია და ცილისწამებას გააჩნია ყოველდღიური ხასიათი, თითქოს დავიწყებას მიეცა ის უმნიშვნელოვანესი ფაქტორი, თუ რა შეიძლება დამართოს პატიოსან ადამიანს მის წინააღმდეგ წამოჭრილმა ცრუ ბრალდებებმა. სპექტაკლის ამოცანა სწორედ ამ თემის ანალიზია და მაყურებლისთვის იმის ახსნა და შეხსენება, თუ რას იწვევს ერთი პატარა ტყუილიც კი. რა პოზიციას უნდა ვიკავებდეთ, როდესაც გვესმის გაუგონარი სისულელე ჩვენს კოლეგაზე და რა მნიშვნელობა აქვს ჭეშმარიტებისადმი ბრძოლას, თუნდაც ეს ჩრდილის მიყენებით ემუქრებოდეს ჩვენსავე პიროვნებას.

სპექტაკლი აგებულია სამი ძირითადი თემის შესახებ: ეჭვი, ჭორი და რწმენა. მთავარი პერსონაჟის, დედა ელოიზის მოწამლულ გონებას, რომელსაც ყოველივე სიბილწის წარმოდგენა შეუძლია, უპირისპირდება ქრისტიანობის იდეით განმსჭვალული მამა ფლინი, რომელიც ჭეშმარიტ ღირებულებებს ემსახურება: იმედისა და სიყვარულის იდეას ქადაგებს. სპექტაკლი ძირითადად მსახიობების მაყურებელთან ინტერაქციით თამაშდება, რაც საშუალებას აძლევს დამსწრე საზოგადოებას მიმდინარე ამბის წევრი გახდეს და თავად მიიღოს გადაწყვეტილება დადანაშაულებული პიროვნების დამნაშავეობის შესახებ.