დეპრესია და შფოთვა

აზროვნების აკადემიაში ლექციათა ციკლის, „მენტალური ჯანმრთელობა" ფარგლებში გაიმართება სალონური საუბრები ექიმ-ფსიქიატრ ქეთევან სილაგაძესთან

 მიუხედავად იმისა, რომ ბოლო ათწლეულის განმავლობაში, განსაკუთრებით კი პოსტპანდემიურ პერიოდში, დეპრესიასა და შფოთვითი აშლილობების შესახებ ცნობიერება მნიშვნელოვნად ამაღლდა, რამაც განაპირობა დროული გამოვლენისა და მათი სწორი მართვის შემთხვევების ზრდა, ორივე მდგომარეობა კვლავ რჩება დიდ გამოწვევად როგორც ფსიქიკური ჯანმრთელობის, ისე ზოგადად ჯანდაცვის სფეროსთვის.

 არავალიდური და გადაუმოწმებელი ინფორმაციის გავრცელება, სტიგმა როგორც სამედიცინო, ასევე არასამედიცინო საზოგადოებაში, სპეციალისტთან დაგვიანებული მიმართვა და სხვა მრავალი ფაქტორი არის იმ ხელისშემშლელ გარემოებათა ნაწილი, რომლებიც აფერხებენ აღნიშნული მდგომარეობების დროულ ამოცნობას და ართულებენ მკურნალობისა და მხარდაჭერის პროცესს.

 მოცემული შეხვედრის მიზანია, მენტალური ჯანმრთელობის ლექციათა ციკლის ფარგლებში, კიდევ ერთხელ მიაქციოს აუდიტორიის ყურადღება შფოთვითა და დეპრესიულ აშლილობებზე.

 შეხვედრის პარტნიორი - ინტეგრა - აზროვნების აკადემიის მენტალური ჯანმრთელობის ცენტრი

შეხვედრაზე დაგხვდებათ ფურშეტი და სასიამოვნო გარემო

დასწრება შესაძლებელი იქნება როგორც ადგილზე, ასევე ონლაინ ფორმატშიც Google Meet-ის მეშვეობით

შეხვედრის ხანგრძლივობა – 2-3 საათი