De Tiphlis Latine loquimur — ვსაუბრობთ თბილისზე ლათინურად

ჩვენ გეპატიჟებით უჩვეულო და სრულიად არაორდინარულ ღონისძიებაზე, რომელიც ყველასთვის ღიაა — მიუხედავად იმისა, რომ თავდაპირველად შეიძლება ცოტათი შემაშფოთებლად მოგეჩვენოთ. ეს არ არის ექსკურსია, არც ლექცია და არც სემინარი — ეს არის გასეირნება თბილისში ლათინურ ენაზე.

დიახ-დიახ, ლათინური საკმარისად „ცოცხალია“ იმისთვის, რომ მასზე თანამედროვე ქალაქების შესახებაც შეიძლება ილაპარაკო. ერთად ვიარებთ დედაქალაქის ცნობილ ადგილებში; ბევრს გაიგებთ კონტექსტიდან და თან მოისმენთ, როგორ ჟღერს კლასიკური ლათინური — ენა, რომელიც ხშირ შემთხვევაში ასოცირდება ალქიმიასთან, ეშმაკების გამოძახებასთან ან ჰარი პოტერთან.

ჩვენი გიდი და მთხრობელი იქნება ალექსეი ჩერნორეჩენსკი, ლინგვისტისა და კულტურის თეორიისა და ისტორიის სპეციალისტი. უნივერსიტეტის პერიოდიდანვე მან დაისახა მიზნად, გამოეყვანა ლათინური საუბარში, რათა თავადვე დაემტვრია მითები მისი „სიკვდილის“ და „მხოლოდ წერილობითობის“ შესახებ.