საოცრება

მე-19 საუკუნის შუა პერიოდი, ირლანდია. პატარა დასახლებაში ჩამოდის მედდა ლიბი. მიზეზი უჩვეულოა: საოცრება. 11 წლის ანა უკვე რამდენიმე თვეა არაფერს ჭამს და განმარტავს, რომ ზეციერი მანათი იკვებება. მაგრამ ლიბს ვერ მოატყუებ: ის სკეპტიკია, რომელიც მხოლოდ მეცნიერებას ეყრდნობა და მტკიცედ არის განწყობილი დაამტკიცოს, რომ გოგონა იტყუება.

რეჟისორის სიტყვები: „ეს არის ფილმი საღი აზრისა და მაგიის, მეცნიერებისა და უკიდურესი რელიგიურობის, სულიერი და ინტელექტუალური მოქნილობისა და ფანატიზმის დაპირისპირების შესახებ. რისი გჯერა? მტკიცე ხარ შენს შეხედულებებში? თუ მზად ხარ შეიცვალო, მოერგო და განვითარდე? როგორი ხარ, როგორც მაყურებელი? მიუხედავად იმისა, რომ ამ ისტორიის ყველა პერსონაჟი გამოგონილია, აქ განხილული თემები რეალურია. ეს ამბავი შეიძლებოდა მომხდარიყო XIX საუკუნეში, მაგრამ ზუსტად ასევე შეიძლება მოხდეს დღესაც.“