Chef’s Barbecue & Wine Tasting in Kakheti

ღია ცის ქვეშ გაიმართება განსაკუთრებული გასტრონომიული და ენოლოგიური საღამო, რომელიც ეძღვნება კახეთის ღვინისა და სუფრის კულტურას — ტრადიციისა და თანამედროვე გემოვნების დახვეწილ შერწყმას.

საღამოს მთავარი ფიგურა იქნება ფლორიან გიულოტო (Florian Guilloteau) — პარიზის ლეგენდარული Ritz Paris-ის სომელიერიის დირექტორი, თანამედროვე ღვინის სამყაროს ერთ-ერთი ყველაზე გავლენიანი და აღიარებული ფიგურა. მრავალწლიანი გამოცდილებით Michelin-ის ვარსკვლავიან გასტრონომიაში, ფლორიან გიულოტო ცნობილია უნიკალური უნარით, შექმნას იდეალური დიალოგი ღვინოსა და კერძს შორის. სწორედ მისი კურირებით შეირჩევა საღამოს ღვინის პროგრამა — განსაკუთრებული ქართული და ევროპული ღვინოების დეგუსტაცია, სადაც თითოეული ღვინო საგულდაგულოდ იქნება შეხამებული კონკრეტულ კერძთან, რათა სტუმრებმა სრულად შეიგრძნონ ღვინის არომატების, ტექსტურებისა და გემოების მრავალშრიანი გამოცდილება. იგი ასევე არის Nice Côte d’Azur Provence Sommeliers Association-ის პრეზიდენტი, French Sommellerie Union-ის Master Sommelier და Saké Sommelier.

ფლორიან გიულოტოსთან ერთად საღამოს ღვინის პროგრამას უხელმძღვანელებს ანა გოდაბრელიძე — ენოლოგი, მევენახეობა-მეღვინეობის ფაკულტეტის ხელმძღვანელი, სახელმწიფო სადეგუსტაციო კომისიის თავმჯდომარე და OIV-ის წარმომადგენელი საერთაშორისო ღვინის კონკურსებზე. ანა გოდაბრელიძე ქართული ღვინის სფეროს ერთ-ერთი გამორჩეული პროფესიონალია, რომელიც მრავალი წელია აქტიურად მუშაობს ქართული ღვინის ხარისხის, განათლებისა და საერთაშორისო პოპულარიზაციის მიმართულებით. მისი გამოცდილება და პროფესიული ხედვა განსაკუთრებულ მნიშვნელობას შესძენს საღამოს ღვინის დეგუსტაციასა და ენოლოგიურ ნაწილს.

საღამოს კულინარიულ ნაწილს წარმოადგენენ სამი გამორჩეული ქართველი შეფი:

ოთო ლეფსვერიძე (პაბელონის მთავარი შეფი),