„კატალოგიზაცია როგორც მხატვრული პრაქტიკა“ — კურსის „ექსპერიმენტული წერის თეორია და პრაქტიკა. ბლოკი II“ მეორე შეხვედრა

„კატალოგიზაცია როგორც მხატვრული პრაქტიკა“ — კურსის „ექსპერიმენტული წერის თეორია და პრაქტიკა. ბლოკი II“ მეორე შეხვედრა

ტექსტის შინაარსსა და ფორმას შორის ურთიერთობა შეიძლება სხვადასხვაგვარი იყოს, თუმცა ხშირად სწორედ შინაარსი განსაზღვრავს ფორმას. ამ შეხვედრაზე საპირისპირო სტრატეგიას ვცდით — დავაკვირდებით, როგორ შეუძლია ფორმას განსაზღვროს ტექსტის შინაარსი. ხორხე ლუის ბორხესის ესეს „ჯონ უილკინსის ანალიტიკური ენა“ და ლიდია ზინოვიევა-ანიბალის „ტრაგიკული ბესტიარის“ მაგალითებზე გავაანალიზებთ კატალოგის ფორმას და განვიხილავთ, რით განსხვავდება ასეთი ნარატივი კლასიკური თხრობისგან.

შემოქმედებითი წერითი პრაქტიკის ფარგლებში თითოეული მონაწილე შექმნის საკუთარ კატალოგს (ეს შეიძლება იყოს ფოტოალბომი, ფიგურების კოლექცია ან საკანცელარიო ნივთები). კატალოგის რამდენიმე პუნქტზე დაყრდნობით ვეცდებით მოვყვეთ მოკლე ისტორია, დავწეროთ ესკიზი ან ექსპოზიცია.